Tuesday, February 11, 2014

အင်းစိန် တိုက်ပွဲ ထဲက “တံမြက်စည်း”




အင်းစိန်တိုက်ပွဲ, တပ်မတော်, ဘိုဖာအမြှောက်, ပြည်တွင်းစစ်, ကရင် တံမြက်စည်း အမည်ရ တပ်မတော် ရေမှ ဘိုဖာ အမြှောက်နှင့် အမြှောက်ပစ် တပ်သားများ ပြည်တွင်းစစ် အစလို့ ဆိုရ မယ့် နာမည်ကျော် “အင်းစိန်တိုက်ပွဲ” ဖြစ်ပွားခဲ့သည်မှာ ယခုနှစ် ဖေဖော်ဝါရီ ၁ ရက်နေ့ဆိုလျှင် ၆၅ နှစ်ပြည့်ပြီဖြစ်ပါတယ်။

လွတ်လပ်ရေး ရပြီး တနှစ် အကြာမှာ ဖြစ်ခဲ့တဲ့ အင်းစိန်တိုက်ပွဲဟာ ၁၉၄၉ ခုနှစ်၊ ဖေဖော်ဝါရီလ ၁ ရက်နေ့မှာ စတင်ခဲ့ရာ လေးလ နီးပါး ကြာမြင့်ပြီး တဲ့နောက် မေလ ၂၂ ရက်နေ့တွင် အဆုံး သတ်သွား ခဲ့ပါတယ်။



နာမည်ကြီး အင်းစိန် တိုက်ပွဲဟာ ရက်ပေါင်း ၁၂၂ ရက်ကြာခဲ့ပြီး နောက်ဆုံးမှာတော့ မြန်မာ့ တပ်မတော်ဟာ ကရင် စစ်တပ်တွေကို ပြန်ဆုတ်သွား အောင် တိုက်နိုင်ခဲ့ပါတယ်။ ဒီတိုက် ပွဲမှာ မြန်မာ့ရေ တပ်မှာ ဗိုလ်ကြီး တာဝန်ထမ်းဆောင်နေတဲ့ ဦးကျော် သိန်းလွင် က ရေတပ် အမြောက် ဘိုဖာ (Bofors) ကို မြေပေါ်ကို ဆွဲတင်ပြီး တိုက်ပွဲ ဝင်ခဲ့ပါတယ်။ 


ဒီ ဘိုဖာရဲ့ နာမည် ကတော့ “တံမြက်စည်း” လို့ တိုက်ပွဲ ထဲမှာပဲ ပေးခဲ့ပါတယ်။ (ဘိုဖာ၂ လက်မှာ တလက် ကတော့ “ရန်ပုံခွင်း” လို့ အမည်ရတယ်။ နောက် တလက်ကတော့ “တံမြက်စည်း” ပါ။)

အင်းစိန် တိုက်ပွဲဖြစ်ရခြင်းနဲ့ ကရင်သေနတ်ကိုင် တပ်ရင်းများက ကရင်အမျိုးသားကာကွယ်ရေး တပ် များ (KNDO) နဲ့ ပူးပေါင်း ရန် ကြိုးစားခြင်းဟာ နယ်ချဲ့ပယောဂ၊ ကရင်တွေရဲ့ သီးခြား လွတ်လပ်တဲ့ လူမျိုးအဖြစ် ခွဲထွက်ရန်ကြံစည်မှု လို့ အများက ပြော ဆို သုံးသပ်ကြပေမယ့် ၊ ပြည်တွင်းစစ်မှာ ကိုယ်တိုင် ပါဝင်တိုက်ခိုက်ခဲ့သူ တချို့ကတော့ ကရင်တွေအနေ နဲ့ စေ့စပ် မရလောက်အောင် အလျင်အမြန် ပုန်ကန် ဖို့ ဖြစ်လာတာဟာ နောက်ကွယ်က တွန်းအားပေးတဲ့ အကြောင်းအချက်တချို့ကြောင့်လို့ ဆိုပါတယ်။



 


စစ်ပြီးခေတ် တပ်မတော် (ရေ) မှာ အဲဒီအချိန် က ဗိုလ်ကြီးအဖြစ် တာဝန်ထမ်းဆောင်ခဲ့သူ ဦးကျော်သိန်းလွင် ဟာ ရန်ကုန်က သူ့ရဲ့နေအိမ်မှာ  ထိုင်ပြီး လွန်ခဲ့တဲ့ ၆၅ နှစ်က ဖြစ်ခဲ့တဲ့ နာမည်ကျော် အင်းစိန်တိုက်ပွဲ နဲ့ အဲဒီတိုက်ပွဲက အစိတ်အပိုင်းတခု ဖြစ်တဲ့ “ဝက်ကော်” တိုက်ပွဲ အကြောင်းကို ရှင်းပြပါ တယ်။

“တကယ်တော့ ကရင်က တိုင်းပြည် ပုန်ကန်ချင် လို့ မဟုတ်ဘူး၊ သူတို့ကို သွားဆွလို့ဖြစ်တာ၊ အလုံ ကရင်ခြံ ကို ဗမာတွေ က သွားမီးရှို့တယ်၊ ဒါတွေက ဦးနေဝင်း ပယောဂ နည်းနည်းပါ တယ်။ မီးရှို့တော့ သူတို့ ခံလိုက်ရတာပေါ့။ 


အဲဒီတော့ အင်းစိန်က လူတွေအနေနဲ့  သူတို့ ကိုယ်သူတို့  ကာကွယ်ရတော့ မယ်၊ KNDO ကို ခေါ်တယ်၊ KNDO အင်းစိန်ထဲ ဝင်လာတယ်။ ဗမာက ပုလိပ်တွေ ဘာတွေနဲ့ ဝိုင်း တယ်။ ဒါပေမယ့် အပြင်ကလူ ကလည်း ဘာမှမလုပ် သလို အထဲက ကရင် ကလည်း ချဲလင့် မလုပ်ရဲဘူး” လို့ သူရဲ့ အင်းစိန်တိုက်ပွဲ အတွေ့အကြုံကို ပြောပြ ပါတယ်။

ဒါ့အပြင် ဗိုလ်မှူးကြီးအောင်ကြီး (နောင် ဗိုလ် မှူးချုပ်) အရေးပေါ်ဖွဲ့စည်းခဲ့တဲ့ အာဏာရ ဆိုရှယ် လစ်ပါတီ ရဲ့ ခါးပိုက်ဆောင်တပ် UMP စစ်ရဲ (လဲဗီး) တွေရဲ့ စည်းကမ်းမဲ့ ရန်စ တိုက်ခိုက် မှုတွေကြောင့် အခြေအနေက ပိုမိုဆိုးရွား သွားတာလို့ သူကသုံးသပ် ပါတယ်။

အခုဆိုရင် အသက် ၈၀ ကျော်နေပြီဖြစ် တဲ့ ဦးကျော်သိန်းလွင်ဟာ လွတ်လပ်ရေး မရခင် ၁၉၄၇ ခုနှစ်မှ စတင်ပြီး ရေတပ် ဦးစီးချုပ် ဗိုလ်မှူးကြီး ခင်မောင်ဘို ကိုယ်စား စစ်ဦးစီးအရာရှိ တဦး အနေနဲ့ စစ်ရုံးရှိ ကြည်း၊ ရေ၊ လေ အစည်းအဝေးများကို တက်ရောက်ရသူ ဖြစ်ပါတယ်။ KNDO ကြီးစိုးရာ မြစ်ဝကျွန်းပေါ်မှာရှိတဲ့ ဗမာ့သေနတ်ကိုင် တပ်ရင်း (၃) ကို ဘေးအန္တရာယ်မရှိ အမြန် ဆုံး ရန်ကုန်ရောက် အောင် ရေလမ်းကြောင်းသစ် ကိုသုံးပြီးပင်လယ်ဝက နေ ခေါ်ဆောင်နိုင်ခဲ့သူ တဦးလည်းဖြစ်ပါတယ်။

“အဲဒီတုန်းက မင်္ဂလာဒုံက လက်နက်တိုက် ကို ဖောက်ပြီး တောခိုတယ် ဆိုတာက ကရင်တစုပါ၊ တကယ့် အင်အား ရှိတာက အစိုးရက ရန်ကုန်ကို ကာကွယ်ဖို့ ပြည်နဲ့ တောင်ငူမှာ ချထားတဲ့ ကရင် သေနတ်ကိုင် တပ်ရင်း နှစ်ရင်းပဲ။ အမှန်တော့ အဲဒီတပ်ရင်း တွေက အင်းစိန်မှာရှိတဲ့ သူတို့ ကရင်ဆွေမျိုးသားချင်းတွေ အဝိုင်းခံရတယ် ကြားတော့ သူတို့ မကာကွယ်ရင် သူတို့ ဆွေ မျိုးတွေ သေကုန်တော့ မယ်ဆိုပြီးတော့ အင်းစိန်ကို ဆင်းလာတာ” လို့ ဦးကျော်သိန်းလွင် က ထိုစဉ်က အခြေအနေကို ရှင်းပြပါတယ်။

အဲဒီ ပြည်နဲ့ တောင်ငူက ဆင်းလာတဲ့ တပ်တွေကို တားဆီး ဖို့အတွက်  အဲဒီတုန်းက  ဗိုလ်ကြီးကျော်သိန်းလွင် နဲ့  အဖွဲ့ဟာ တံမြက်စည်းနဲ့ အတူ တိုက်ပွဲ ဝင်ခဲ့တာဖြစ်ပါတယ်။ အဲဒီ ကရင်တပ် နဲ့ ပဲခူးက ဝက်ကော်ဒေသမှာ တွေ့ဆုံတိုက်ပွဲဖြစ်ခဲ့လို့ “ဝက်ကော် တိုက်ပွဲ” လို့ အမည်တွင်ခဲ့တာ ဖြစ်ပါတယ်။ 


ဗြိတိသျှက သင်တန်း ပေးထားတဲ့ အဲဒီ ကရင်တပ်တွေ ရန်ကုန်ကိုရောက်ခဲ့မယ် ဆိုရင် သမိုင်းမှာ အလှည့်အပြောင်း ရှိသွားနိုင်ပါ တယ်။ ဒီနေရာမှာ ဘိုဖာ တံမြက်စည်း နဲ့ ဗိုလ်ကြီးကျော်သိန်းလွင်တို့ အဖွဲ့က အဲဒီ တပ်ကူ ဆင်းလာတဲ့ ကရင်လက်နက်ကိုင် တပ်ရင်းကို တားဆီးနိုင်ခဲ့တာ ဖြစ်ပါတယ်။

နေ့လယ်ဘက် ကျရင် တာဝန်အတိုင်း ကရင်တပ်တွေကို မြို့ထဲကို ဝင်မလာနိုင်အောင် တား ဆီးပေမယ့်လည်း ညဘက်ကျရင် တော့  အဲဒီတုန်းက  ဗိုလ်ကြီးကျော်သိန်းလွင်ဟာ  သူ့ရဲ့ ကရင် သူငယ်ချင်းတွေ နဲ့ ရန်ကုန်မြို့လယ်က ရုပ်ရှင်ရုံတွေ မှာ အမေရိကန် က နောက်ဆုံးလာတဲ့ ရုပ်ရှင်တွေ ကို သွားကြည့်ပြီး အခင်အမင် မပျက် နေနိုင်ခဲ့တဲ့ သဘောထားပြည့်ဝ တဲ့ ရေတပ် မတော် ဗိုလ်ကြီး ဟောင်းတဦးလည်း    ဖြစ်ပါတယ်။   

ဒီအကြောင်းတွေကိုတော့ “မြို့မလွင်” ကလောင်နဲ့ ရေးသားတဲ့ “ရန်ကုန်မြို့တော်ကို ကယ် တင် လိုက်တဲ့ တံမြက်စည်း” ဆိုတဲ့ သူကိုယ်တိုင် ရေးထားတဲ့ စာအုပ်ထဲမှာ မှတ်တမ်းတင်ထားပါတယ်။
ဒီတိုက်ပွဲနောက်ပိုင်း မှာတော့ ဗိုလ်ကြီး ကျော်သိန်းလွင် ကို လည်း လန်ဒန်ကို ပို့ပြီး စစ်သင်တန်း တက်စေခဲ့တယ်။ ဒါပေမယ့် ၁၉၅၀ အစောပိုင်းမှာတော့ မြန်မာပြည်ကို ပြန်လာခဲ့ပါတယ်။ အကြောင်းရင်းကတော့ သင်တန်း အတူတူတက်နေတဲ့ မြန်မာ့ တပ်မတော် အရာရှိတဦးက “ကရင်လူမျိုးများကို စာနာသူ” လို့ ကုန်းချောခဲ့လို့ပါ။

 ဒါကြောင့် ဗိုလ်ချုပ်ကြီးနေဝင်းက ဦးကျော်သိန်းလွင်ကို ရန်ကုန်ကိုပြန်ခေါ်ခဲ့ပါတယ်။ ဒါပေမယ့် ဦးကျော်သိန်းလွင် ရဲ့  တိုင်းရင်းသား  ကရင်တွေအပေါ်  မြင်တဲ့အမြင်တွေကတော့ လူကြီး လူကောင်း ဆန်ပြီး နိုင်ငံကြီးသားပီသတာကို တွေ့ရပါတယ်။

“အဲဒီတုန်းက ကရင်က ရန်ကုန်ကို သိမ်းမိရင် ကရင်က လူနည်းစု၊ ဗမာက လူများစု၊ သူတို့ အနေ နဲ့ ကာလကြာရှည် တိုင်းပြည် အုပ်ချုပ်လို့ မရဘူး၊ အဲ့ဒီတော့ ဗမာနဲ့ ညှိရမှာပဲလေ။ အတူတူ အုပ် ချုပ် ဆိုရင် အပေးအယူမျှသွားမယ်။ ဖြစ်နိုင် တာက ဓနသဟာယ အဖွဲ့ထဲ ပြန်ရောက်သွားနိုင်  တယ်။ ဒါဆို တိုင်းပြည် က ဆိုရှယ်လစ် မဖြစ်ဘူး သေချာတယ်။ အခုလို မြန်မာ့ဆိုရှယ်လစ် ရဲ့ နှစ်ပေါင်းသုံးဆယ်ဒဏ်ကို ခံချင်မှခံရမှာပေါ့” လို့ ဦးကျော်သိန်း လွင်ကအတိတ်ကို ပြန်ပြောခဲ့ ပါတယ်။

မည်သို့ပင် ဆိုစေကာမူ လွန်ခဲ့သော ၆၅ နှစ်က စခဲ့တဲ့ ပြည်တွင်းစစ်မီးဟာ အခုတိုင် မငြိမ်းသေး၊ ငြိမ်းသတ်ရန် ကြိုးစား နေသည် ဆိုသော်ငြားလည်း တငွေ့ငွေ့ လောင်နေဆဲလို့ ဆိုရပါမယ်။

အင်းစိန်တိုက်ပွဲ

-           ၁၉၄၉ ခုနှစ်၊ ဖေဖော်ဝါရီလ ၁ ရက်နေ့တွင် စတင် တိုက်ပွဲဖြစ်။

-           ယင်းနှစ် မေလ ၂၂ ရက်နေ့တွင် တိုက်ပွဲပြီး။

-           အစိုးရတပ်ဘက်မှ (ရဲဘော်သုံးကျိပ်ဝင်၊ နောင်တွင် ဗိုလ်မှူးချုပ်) ဗိုလ်မှူးကြီး ကျော်ဇော ဦးစီး။

-           ကရင်အမျိုးသား   ကာကွယ်ရေးတပ် (KNDO) မှ စောစံဖိုးသင်၊ စောဘဦးကြီးတို့ ခေါင်းဆောင်။

-           ပွဲဦးထွက်တွင် အမှတ် (၅) ဗမာ့သေနတ်ကိုင် တပ်ရင်းမှ ဗိုလ်မှူးလှသောင်း (အောင်ဆန်းသူရိယ) အပါအဝင် အရာရှိ အရာခံ အကြပ်တပ်သား ၈၀ ခန့်ကျဆုံး၊ ၁၂၀ ခန့် ဒဏ်ရာရ။

-           KNDO ဘက်မှလည်း အလားတူအရေအတွက်ခန့် ထိခိုက်ကျဆုံးမှု ရှိ။

-           အင်းစိန်အဝင်ပေါက် မင်းဓမ္မကုန်း၊ နွားထိုးကုန်း၊ တောင်သူကုန်း၊ စော်ဘွားကြီးကုန်း၊ ဦးစက္ကိန်ကျောင်းတိုက်၊ ကြို့ကုန်း၊ ဦးသော် ပန်းကန်စက်၊ စောဘင်ဆင်ခြံ၊ ဂျမားခြံ၊ အင်းစိန် ကျမ်းစာသင်ကျောင်း၊ တိရစ္ဆာန် ဆေးကျောင်း၊ အင်းစိန်မီးရထား စက်ခေါင်းရုံတို့ စစ်မြေပြင်ဖြစ်ခဲ့။

-           KNDO ထိုးစစ်တကြိမ်တွင် သမိုင်းလမ်းဆုံအထိ ရောက်ခဲ့။

-           KNDO ဘက်က စောဘဦးကြီးနဲ့ မန်းဂျိန်းထွန်းအောင်တို့ အိန္ဒိယသံရုံးအကူအညီဖြင့် ဖဆပလ အစိုးရ ဝန်ကြီးချုပ် ဦးနုနှင့် ဆွေးနွေး။ ငြိမ်းချမ်းရေးဆွေးနွေးပွဲ မအောင်မြင်။

-           KNDO ဘက်မှ ကူညီမည့် ကရင်သေနတ်ကိုင် တပ်ရင်း (၂) သည် ဝက်ကော်တံတားတွင် ဗမာ့သေနတ်ကိုင်တပ်ရင်း (၃) ၏ ချေမှုန်းခြင်းခံရ။

-           KNDO ထိုးစစ်မဆင်နိုင်တော့ဘဲ အင်းစိန်မှနေ၍ မြစ်ဝကျွန်းပေါ်သို့ဆုတ်ခွာ


From...ဧရာဝတီ

No comments:

Post a Comment