Monday, November 3, 2014

ကိုပါကြီး အလောင်းတူးဖော်ရန် သူ၏ ဇနီး ကို ရဲတပ်ဖွဲ့ ဆင့်ခေါ်ပြီ


အစိုးရတပ် ၏ ပစ်ခတ် မှုကြောင့် သေဆုံး ခဲ့သည့် ကိုအောင်ကျော်နိုင် (ခ) ကိုပါကြီး ၏ အလောင်း ကို ယခုလ ၅ရက် တွင် ပြန် လည် တူးဖော် မည်   ဖြစ်သောကြောင့် မတူးဖော်မီ တစ်ရက် အလိုတွင် ကျိုက်မရောမြို့မ ရဲစခန်း သို့ လာရောက်ရန် သေဆုံးသူ ကိုပါကြီး ၏ ဇနီးဖြစ်သူ မသန္တာ ကို နိုဝင်ဘာ၂ရက်နေ့ ရက်စွဲဖြင့် ရဲစခန်း က ဆင့်ခေါ်လိုက်သည်။

ကိုပါကြီး ၏ အလောင်းအား မြေမြုပ် ထားသည့် ရွှေဝါချောင်းကျေးရွာသို့ နိုဝင်ဘာ ၅ရက်တွင် သွားရောက် တူးဖော် မည်ဖြစ်သည့် အတွက် လိုအပ်ချက်များ၊ ဖြည့် စွက်စစ်ဆေးမှုများ စစ်ဆေးနိုင်ရေး အတွက် စခန်းသို့ လာရောက် ရန် အကြောင်းကြား စာတွင် ရေးသား ထားသည်။

 
ကိုပါကြီး သည် ဒီမိုကရေစီ အကျိုးပြု ကရင့် တပ်မတော် DKBA အဖွဲ့၏ ကလို့ ထူးဘော ကရင် အစည်း အရုံး (KKO) စောဆန်း အောင် အဖွဲ့မှ ဗိုလ်ကြီး အဆင့် ပြန် ကြားရေး တာဝန်ခံ တစ်ဦးဖြစ်ပြီး တပ်မတော် က ဖမ်းဆီး ထားစဉ် ကင်းစောင့် စစ်သားထံမှ လက်နက် လုယူ ထွက်ပြေးသောကြောင့် ကင်းစောင့် စစ်သားက ပစ် ခတ်ဖမ်းဆီး ရာတွင် သေနတ် ဒဏ်ရာဖြင့် သေဆုံး ခဲ့ သည် ဟု ကာကွယ်ရေးဌာနမှ အောက်တိုဘာ ၂၃ ရက်တွင် သတင်း ထုတ်ပြန် ခဲ့သည်။
 
ကိုပါကြီးသေဆုံးမှု ကို အမျိုးသား လူ့အခွင့် အရေးကော်မရှင် က စတင် စစ်ဆေးနေပြီး မွန်ပြည်နယ် သို့ သွားရောက် စစ်ဆေးမှု များ ပြုလုပ်နေပြီ ဟု ကော်မရှင် ဒုတိယ ဥက္ကဌ ဦးစစ်မြိုင် က နိုဝင်ဘာ ၂ ရက် တွင် မဇ္စျိမ ကိုပြောသည်။



 

From: mizzima www.mmdailystar.com 

No comments:

Post a Comment