Sunday, December 28, 2014

အင်္ဂါလေးပါးနှင့် ပြည့်စုံသော စကား { 2015 နှစ်သစ် အတွက် အမှတ်တ၇ }

 


 အခါတစ်ပါး ၌ မြတ်စွာဘုရား သည် ရဟန်း တို့အား ဤစကား ကို မိန့်ကြားတော် မူ၏။ 
ရဟန်းတို့ - အင်္ဂါလေးပါးနှင့်ပြည့်စုံသော စကား သည် 
• ကောင်းစွာ ဆိုအပ်သော စကား မည်၏၊ 
• မကောင်းသဖြင့် ဆိုအပ်သော စကား မမည်။ 
• အပြစ်လည်း မရှိ၊ 
• ပညာရှိတို့သည် မကဲ့ရဲ့အပ်။ 

အဘယ် လေးပါးတို့နည်း၊ 
ရဟန်းတို့ - ဤသာသနာတော်၌ ရဟန်းသည် -
(၁) ကောင်းစွာ ဆိုအပ်သော စကားကို သာလျှင် ဆို၏၊ မကောင်း သဖြင့် ဆိုအပ်သော စကား ကို မဆို။ 
(၂) တရားနှင့် ညီသော စကားကို သာလျှင် ဆို၏၊ တရားနှင့် မညီသော စကား ကို မဆို။ 
(၃) ချစ်ခင် ဖွယ်သော စကား ကိုသာ လျှင် ဆို၏၊ မချစ်ခင် ဖွယ်သော စကားကို မဆို။ 
(၄) မှန်သော စကားကို သာလျှင် ဆို၏၊ မမှန်သော စကား ကို မဆို။ 


ရဟန်းတို့ - ဤသို့ အင်္ဂါလေးပါး တို့နှင့် ပြည့်စုံသော စကား သည် ကောင်းစွာ ဆို အပ်သော စကား မည်၏၊ မကောင်း သဖြင့် ဆိုအပ်သော စကား မမည်။ အပြစ်လည်း မရှိ၊ ပညာရှိ တို့သည် မကဲ့ရဲ့အပ်။ ဤစကား ကို မြတ်စွာ ဘုရား သည် မိန့်တော်မူ၏။

 ကောင်းသော စကား ကို ဆိုတော် မူ တတ်သော မြတ်စွာ ဘုရားသည် ဤစကား ကို မိန့်တော် မူပြီးလျှင် ထို့ပြင် ဤစကား ကို မိန့်တော် မူ၏- 

''ကောင်းစွာ ဆိုအပ်သော စကား ကို မြတ် ၏ ဟူ၍ သူတော်ကောင်း တို့သည် ဆိုကုန်ပြီ။ တရားနှင့် လျော်သော စကား ကိုသာ ဆိုရာ ၏၊ တရားနှင့် မလျော်သော စကား ကို မဆိုရာ၊ ထိုစကားကို ဒုတိယ အမြတ်ဆုံး စကားဟု ဆို၏။ 

ချစ်ခင် ဖွယ် စကား ကိုသာ ဆိုရာ ၏၊ ချစ်ခင် ဖွယ် မဟုတ်သော စကား ကို မဆိုရာ၊ ထို စကား ကို တတိယ အမြတ် ဆုံး စကား ဟု ဆို၏။ 

မှန်သော စကား ကိုသာ ဆိုရာ ၏၊ မမှန်သော စကား ကို မဆိုရာ၊ ထိုစကား ကို စတုတ္ထ အမြတ်ဆုံး စကား ဟု ဆို၏''ဟု မိန့်တော် မူ၏။ 

ထိုအခါ  ၌ အသျှင်ဝင်္ဂီသ သည် နေရာ မှ ထ၍ ပခုံးတစ်ဖက် ၌ အပေါ်ရုံ ကို တင်ကာ မြတ်စွာဘုရား ရှိတော် မူရာ သို့ လက်အုပ် ချီလျက် . . ''မြတ်စွာ ဘုရား အကျွန်ုပ် ၏ ဉာဏ် ၌ ရှေးရှု ထင်ပါ၏၊ ကောင်းသော စကား ကို ဆိုတော် မူတတ်သော မြတ်စွာဘုရား - အကျွန်ုပ် ၏ ဉာဏ် ၌ ရှေးရှု ထင်ပါ၏'' ဟု လျှောက်၏၊ 

''ဝင်္ဂီသ - သင် ၏ ဉာဏ် ၌ ရှေးရှု ထင်စေလော့''ဟု မြတ်စွာ ဘုရား သည် မိန့်တော် မူ၏၊ ထိုအခါ အသျှင်ဝင်္ဂီသ သည် မြတ်စွာ ဘုရားကို မျက်မှောက်တော် ၌ သင့်လျော် ကုန်သော ဂါထာ တို့ဖြင့် ချီးကျူး၏- 

အကြင် စကားဖြင့် မိမိကိုယ် ကို မပူပန်စေရာ၊ သူတစ်ပါး တို့ကိုလည်း မညှဉ်း ဆဲရာ၊ စင်စစ် ထိုစကား ကိုသာ ဆိုရာ ၏၊ ထိုစကား သည်သာ ကောင်းစွာ ဆိုအပ်သော စကား မည်၏။ 

ချစ်ဖွယ်သော စကား ကိုသာလျှင် ဆိုရာ ၏၊ အကြင် စကားသည် နှစ်လိုဖွယ် ဖြစ်၏၊ ထိုစကား ကိုသာ ဆိုရာ ၏၊ သူတစ်ပါး တို့အား ဆိုသည် ရှိသော် မနှစ်မြို့ဖွယ် ယုတ်မာသော စကား တို့ကို မယူ မူ၍ ချစ်ဖွယ်သော စကား ကိုသာ ဆိုရာ၏၊ 

မှန်သော စကား တို့သည် စင်စစ် အမြိုက်သုဓာဘုတ်နှင့် တူကုန် ၏၊ ဤမှန်သော စကားကို ပြောခြင်း သဘော သည် ရှေးရိုး စဉ်လာ ဖြစ်၏၊ သူတော်ကောင်း တို့သည် မှန်သော စကား ၌ လည်းကောင်း၊ အကျိုး၌ လည်းကောင်း၊ အကြောင်း ၌ လည်းကောင်း တည်ကု န်၏ ဟု ဆိုကုန်ပြီ။

 မြတ်စွာဘုရား သည် နိဗ္ဗာန် သို့ ရောက်ခြင်း ငှါ, ဆင်းရဲ ၏ အဆုံး ကို ပြုခြင်းငှါ, ဘေးမရှိသော အကြင် စကား ကို ဆိုတော် မူ၏၊ ထိုစကား သည် စင်စစ် စကား တကာ တို့ ထက် မြတ်၏''ဟု (ရွတ်ဆို ချီးကျူး၏)။ 



 3 Treasures: Buddha, Dhamma & Sangha
( သံယုတ္တနိကာယ်၊ ဝင်္ဂီသသံယုတ်၊ သုဘာသိတသုတ် )

From...http://www.lubo601.com/


No comments:

Post a Comment