မိတ်ဆွေကောင်း

 

 
တစ်ခုသော စနေနေ့ ကဖြစ်သည် ကျွန်ုပ်နှင့် သူငယ်ချင်း ကျောင်းဆရာ တို့ ရောက်တတ် ရာရာ ပြောဆိုနေ စဉ် အခြား မိတ်ဆွေ သုံးဦး တို့ အမှတ်မထင် လက်ဘက်ရည်ဝိုင်း သို့ ရောက်လာ ကြလေသည်။ စကားဝိုင်းကလေး လည်း ဝေဆာ၍ သွားလေ၏။ 

ကျွန်ုပ် က မိတ်ဆွေများ အား မိတ်ဆွေကောင်း အကြောင်း စတင်ပြော ဆိုလိုက်ချိန် တွင် မှာယူထားသော လက်ဘက်ရည် များ ရေနွေးကြမ်း နှင့် ဆေးပေါ့လိပ် များ လည်း ရောက်လာလေတော့၏။ ဆိုင်ရှင် ချစ်တီး အနဲ က လည်း သူ၏ စားပွဲထိုးများအား မျက်ရိပ်ပြ လိုက်ရာ ရေနွေး နောက်တစ်အိုး အဆင်သင့် လာချပေးလေတော့သည်။

လောကတွင် သက်ရှိတို့သည် တစ်ဦး တစ်ယောက်တည်း နေထိုင် ကြရသည် မဟုတ် စုပေါင်း၍ အုပ်စုဖွဲ့နေထိုင်ကြသည့် သဘောရှိရာ တောတွင်း သားကောင်ကြီးများမှအစ အင်းစက် ပိုးမွားလေးများ အထိ ပင်ဖြစ်၏။

အသိညဏ် မြင့်မားသော လူတို့သည် ပို၍ပင် စုဝေး နေထိုင် ကြသည်မှာ အဆန်း မဟုတ်သော်လည်း ဆန်းသည့်အရာက ထိုလူတို့ သည် အုပ်စုဖွဲ့၍ တစ်ဖွဲ့နှင့် တစ်ဖွဲ့ ပြန်လည် သတ်ဖြတ်နေကြခြင်းပင် ဖြစ်သည်။ 




လူ့လောက တွင် တစ်ယောက်တည်း နေမရသော အခါ မိမိနှင့် အပြောအဆို အနေ အထိုင် အသွားအလာ စသည့် စရိုက် တူသူ အချင်းချင်း စုကြသည့် သဘောရှိပြန်ရာ ထို တူရာ တူရာ စုသည့် အထဲတွင် မိတ်ကောင်း ဆွေကောင်း များ စုဖွဲ့ မိရန် များစွာ အရေးကြီးလှသည်။ 

မိတ်ဆွေစစ် မိတ်ဆွေမှန် များနှင့် ဘဝ ခရီးကို လျောက်လှမ်း ရသည်မှာ များစွာ အကျိုးဖြစ်တတ်ပြီး မိတ်ဆွေတု များနှင့် တွေရပါက မိမိ ဘဝလမ်း သည် လှိုင်းကြမ်း ပင်လယ် မှ လှေငယ် ကဲ့သို့ ဖြစ်မည် မှာ မလွဲနိုင်ကြောင်း မိတ်ဆွေ ဆိုသည့် ခေါင်းစဉ်အား စတင် လိုက်လေ၏။

ဆရာကြီး နန္ဒာ သိန်းဇံ ရေးသားသော" မိတ်ကောင်း ဆွေကောင်းနှင့် ခရီးသွားခြင်း" ဆိုသည့် စာအုပ်သည့် ကျွန်ုပ်တို့ ၏ မိတ်ဆွေကောင်း သဘောတရား များအား များစွာ လမ်းပြ ခဲ့သည့် စာအုပ်ဖြစ်၏။ 

ငယ်စဉ်က စွဲ လမ်း ခဲ့ရသည့် စာအုပ်ဖြစ်ပြီး ထို စာအုပ် ၏ နိဒန်းတွင်ပါရှိသည့် ' မိတ်ကောင်း ဆွေကောင်း ဆိုတာ.... ' ဟု အစ ချီသည့် မိတ်ကောင်း ဆွေကောင်း၏ အဓိပ္ပါယ် ဖွင့်ဆိုချက် များဟာဖြင့် စာအနေ ကျဉ်းသော် လည်း စာ အနက် မှာ အဆုံးမရှိ ကျေးဇူး များလှသည်ပင် ဖြစ်ကြောင်း၊ ယခု ခေတ်လူငယ်များ ဖတ်သင့်သည့် စာအုပ်ကောင်းဖြစ်ပြီး ဆရာကြီး၏ ဒသန စာပေ အကြောင်းအား မိတ်ဆွေ တစ်ဦး က ပြောပြလေတော့သည်။

မိတ်ကောင်း ဆွေကောင်း ဟာ တစ်ကယ်တော့ လောက မှာ အင်မတန် မှ ရှားပါး ပါတယ်။ ဒီလို ရှားပါးလှတဲ့ မိတ်ကောင်း ဆွေကောင်း ကို ရောမခေတ် က တွေးခေါ် ပညာရှင်ကြီး ဒိုင်အိုဂျီးနီးစ် က နေ့ လယ်ကြောင်တောင် ကြီးမှာ မီးအိမ်ကို ဆွဲပြီး တစ်လမ်းဝင် တစ်လမ်းထွက် နဲ့ လူကောင်း သူကောင်း ကို လိုက်ရှာ ခဲ့ဖူးပါတယ်တဲ့။ 

ဒီလိုပါဘဲ ဆော့ခရတ္တိ ကလည်း သူ့အိမ် ကို ငယ်ငယ် ကျ ဉ်းကျဉ်းလေး ဆောက် ပါတယ် လူတွေမေးတဲ့ အခါ "ကျုပ်အိမ် က မိတ်ကောင်း ဆွေကောင်းတွေ လာရင်ေ နလောက် ပါတယ်" လို ပြောခဲ့ဖူးပါတယ်။

ဒါကြောင့် မိတ်ကောင်း ဆွေကောင်း ဆိုတာ အင်မတန် ရှားတယ့်ခေတ်ကြီး တိုးတက် လာတာနဲ့အတူ စားရေး သောက်ရေး နေရေး ထိုင်ရေး တွေက အစစ အရာရာ အနေကြပ်လာကြတာပါ။ ဒီအချိန် မှာ မိတ်ကောင်း ဆွေကောင်း ဆိုတာ ပိုလို့တောင် မရှိတော့ဘူး ဟု မိတ်ဆွေက ပြောပြနေပြန်ပါတယ်။

ကျွန်ုပ်တို့ လည်း ဘဝ ကို လျောက်ကြ ရာဝယ် မိတ်ဆွေ များကိုသာ အားကိုးပြီး လျောက်နေကြရ သူများဖြစ် ၏။ မိတ်ကောင်း ဆွေကောင်း တွေ အများကြီး လိုအပ် သည်ဖြစ် ၍ မိမိ ကိုယ်တိုင်လည်း မိတ်ကောင်း ဆွေကောင်း တို့၏ အရည်အချင်း ရှိ မရှိ ပြန်စစ်ရမည်ဖြစ်သည်။ 

မိမိ က မိတ်ဆွေကောင်း တို့၏ စံသတ်မှတ်ချက် တစ်ခု အဖြစ် စံတစ်ခု ထားပါက မိမိ ကိုယ်တိုင် လည်း အဆို ပါ စံ သတ်မှတ်ချက်နှင့် ညီအောင် မိတ်ဆွေ များ အပေါ်တွင် ဆက်ဆံ မှ မိတ်ကောင်း ဆွေကောင်း မိတ်ဆွေ စစ် များ များ စွာ တိုးပွားလာမည် ဖြစ်လေသည်။ မိမိ တွင် အင်မတန် မှ ရှားပါးလှသော မိတ်ကောင်းဆွေစစ် ကို ရရှိနေသည် ဆိုပါ က မဆုံးရှံးအောင် စောင့်ထိန်း ရမည်ဖြစ်သည်။ လူလောက သည် မိတ်ဆွေကောင်း တို့ဖြင့် တည်ဆောက်နေခြင်ပင် ဖြစ်၏။

အချိန်သည် လည်း ကုန်ဆုံး၍ လာပြီဖြစ်၏ မိတ်ကောင်း ဆွေကောင်း အကြောင်း ကို ပြောဖြစ်ကြရင်း မိတ်ကောင်း ဆွေကောင်း မဟုတ်သူ များ အကြောင်း ကိုလည်း ဝေဖန် ပြော ဆိုဖြစ်ကြသေး၏။ မိမိကိုယ်တိုင် လည်း မိမိ ၏ မိတ်ဆွေကောင်း ထံတွင် မိတ်ကောင်း ဆွေကောင်း ၏ စံ များဖြင့် ညီ မညီ ပြောဆိုဖြစ်ကြသေး ၏။

 ရေနွေး ကြမ်းလည်း ကုန်ပြီဖြစ်ရာ ကျွန်ုပ်တို့ မိတ်ဆွေ တစ်သိုက်လည်း ကိုယ်စီပြန် ခဲ့ကြလေတော့သည်။ ရင်ထဲ မှ အတွေး များတွင် မိတ်ကောင်းဆွေကောင်း ဆိုတာ ဟု တွေးရင်း. . .တွေးရင်း ဖြင့်. . .

-- ဤစာဖြင့် ဆရာနန္ဒာသိန်းဇံ အား ဂါရဝပြုပါသည်။
 

ပန်းချီ -- ဆရာနန္ဒသိန်းဇံ ၏။ ''မိတ်ကောင်းဆွေကောင်းနှင့် ခရီးသွားခြင်း '' စာအုပ်မှ ပန်းချီ ဆရာ ပေါ်ဦးသက် ၏ မျက်နာဖုံး ပန်းချီ။

Lazy Cat (ရိုးရာလေး)
www.yoyarlay.com