Monday, May 4, 2015

၇န်ကုန် ပက်ပုန်းလမ်း

Image and video hosting by TinyPic


ဇိမ်ခန်း များ တစ်စု တစ်ဝေး တည်ရှိရာ ကမ္ဘာ သိ လိင်ဈေးတန်းကြီး အဖြစ် နာမည်ကြီးသည့် ပက်ပုန်းလမ်း သည် ဘန်ကောက်မြို့ ၏ နာမည်ကျော် လမ်း တစ်လမ်း ဖြစ်သည်။ ထိုနည်း တူ မြန်မာပြည်တွင် လည်း ရန်ကုန် ပက်ပုန်းလမ်း ဟူ၍ ရှိသည်။

ညဥ့် နတ်မိမယ်လေး များ ပျော်စံရာ ဇိမ်ခန်းပေါင်း များစွာ တစ်စု တစ်ဝေးတည်း တည်ရှိသော ရန်ကုန် ပက်ပုန်းလမ်း တွင် ပြည်တွင်းဖောက်သည်များ သာမက နိုင်ငံခြားသား ဖောက်သည် များပါ ဝင်ထွက် သွား လာ စည်ကားနေပြီ ဖြစ်သည်။

စမ်းချောင်းမြို့နယ် ဗဟိုလမ်း မပေါ်ရှိ တစ်ခုသော လမ်းသွယ် အတွင်းသို့ ကွေ့ဝင် လိုက်ပါက ရန်ကုန် ပက်ပုန်းလမ်း သို့ ရောက်ရှိမည်ဖြစ်သည်။

 
မီးမှိန်မှိန် ကွမ်းယာဆိုင်လေးများနှင့် မီးထိန်ထိန် ဘီယာဆိုင်များ ၏ အနောက် ဘက်ရှိ အဆောက် အအုံ များ ၏ အပေါ်ထပ် ရှိ စေ့ထားသော တံခါးများ ၏ နောက်ကွယ် တွင် အနီရောင်ဖျော့ဖျော့ မီးရောင် ထွန်းထား သည့် အခန်းကျယ် များ ကိုယ်စီရှိနေသည်။

အချို့ တံခါး တစ်ချပ်သာ ဟထားသော အခန်းများရှေ့တွင် ဧည့်ကြို ဟုခေါ်သော အမျိုးသားငယ် သုံးလေးယောက်က စောင့်ကြပ် ၍ လမ်းသွားလမ်းလာ များကို အချက်ပြကာ အကြိုထောက်နေကြသည်။


“ဒီ လမ်းရော၊ ဟို ဘက် လမ်းသွယ်တွေရော ဆို အားလုံးပေါင်း ဆယ့်ငါးခုလောက်တော့ ရှိတယ်။ ဈေးက အစား စားပဲ။ တစ်ချိန် ဝင်ရင် ခုနစ်ထောင် ကနေ တစ်သောင်းခွဲ အထိ ရှိတယ်” ဟု ဆိုလာသူက ရန်ကုန် ပက်ပုန်းလမ်း အတွင်း ရှိ ဇိမ်ခန်း ဧည့်ကြိုတစ်ဦး ဖြစ်သူ ကိုစိုးမိုးကျော် ဖြစ်သည်။

အသက် ၂၆ နှစ် အရွယ်ရှိ ဇိမ်ခန်း ဧည့်ကြို ကိုစိုးမိုးကျော် သည် တစ်ချိန် က ဘုရားပွဲ များတွင် လှည့် လည်ပြသ သည့် တုတ်ထိုး ရုပ် ပွဲမှ ပညာရှင် တစ်ဦး အဖြစ် လုပ်ကိုင် ခဲ့ရာ ယခုအခါ တုတ်ထိုး ရုပ်ပွဲများ တိမ်မြုပ်ပျောက်ကွယ် လာသောကြောင့် ယခု ကဲ့သို့ ဇိမ်ခန်း ဧည့်ကြို အဖြစ် ပြောင်းလဲ လုပ်ကိုင်ကာ အသက်မွေးဝမ်းကျောင်း ပြုနေရသူ ဖြစ်သည်။

ကိုစိုးမိုးကျော် ကဲ့သို့ ဇိမ်ခန်း ဧည့်ကြို  များ၏ တာဝန် က တံခါးစေ့ထားသော ဇိမ်ခန်း များရှေ့တွင် ထိုင် ၍ ဖောက်သည် များကို ခေါ်ယူပေးရခြင်း၊ ဇိမ်ခန်း တွင် ပြဿ       နာ ဖြစ်ပွားပါက တာဝန်ယူ ဖြေရှင်းပေး ရခြင်းနှင့် ရဲ အစရှိသော တာဝန်ရှိ အဖွဲ့ အစည်းများ ဝင်ရောက် ဖမ်းဆီးမည့် အခြေအနေများ ကို စောင့် ကြည့်ပေးရခြင်းတို့ ဖြစ်သည်။

ညစဉ် ၈ နာရီကျော်သည်နှင့် အဆိုပါ လမ်း အတွင်းရှိ ဘီယာဆိုင် များနှင့် လျှို့ဝှက် ဇိမ်ခန်းများ တွင် လူအဝင် အထွက် တို့ဖြင့် ရှုပ်ယှက်ခတ်နေတော့သည်။

အချို့ဇိမ်ခန်း များနှင့် တွဲ၍ ဖွင့်ထားသော ဘီယာဆိုင် များတွင် ဖောက်သည် များသည် ဘီယာသောက် သုံးပြီး သည်နှင့် ဆိုင် အနောက်ခန်းနှင့် အပေါ်ထပ် ရှိ ဇိမ်ခန်း များသို့ တစ်ခါတည်း ဝင်သွားနိုင်သည်။ အဆိုပါ ဇိမ်ခန်း များတွင် လုပ်ကိုင်နေသည့် လိင် အလုပ်သမ အရေအတွက် ကလည်း ရာနှင့် ချီ ရှိနေသည်။

“တစ်လ ကို ဝင်ငွေ သုံးသိန်းလောက် ရပါတယ်။ ဒါပေမဲ့ ဆိုင် က အပြင်ပေး မထွက်ဘူး။ ပစ္စည်းပေး မဝယ် ဘူး။ သူတို့ ဆိုင်က ပိုင်ရှင် မမတွေ ရောင်းတဲ့ ပစ္စည်းပဲ ဝယ်သုံးရတယ်” ဟု စမ်းချောင်းမြို့နယ် အတွင်းရှိ ဇိမ်ခန်း တစ်ခုတွင် နေထိုင် သည့် လိင် အလုပ်သမ တစ်ဦး ဖြစ်သူ မသော်တာ က ဆိုသည်။

ဇိမ်ခန်း လိင် အလုပ်သမ များသည် မိတ်ကပ်၊ ရေမွှေး မှ အစ ဘရာစီယာ၊ အတွင်းခံ ဘောင်းဘီ အဆုံး လို အပ် သည့် ပစ္စည်းများ ကို အပြင်ထွက် ဝယ်ယူခွင့် မရှိဘဲ ဇိမ်ခေါင်းများ ရောင်းချသော ပစ္စည်းများ ကိုသာ ဝယ်ယူ သုံးစွဲကြရသည်။

ဇိမ်ခေါင်းများ ရောင်းချသော အသုံးအဆောင် ပစ္စည်း ဈေးနှုန်းများ မှာ ပြင်ပဈေးကွက် များတွင် ရောင်းချ သည့် ဈေးနှုန်း များထက် နှစ်ဆခန့် မြင့်တက် ကွာခြား တတ်ကြောင်း မသော်တာ က ညည်းရှာသည်။

“ဘာပဲဖြစ်ဖြစ် ဒီထဲမှာ နေတာ က ပိုက်ဆံ အရမ်းရတယ်လေ” ဟု မသော်တာ က ဆိုသည်။ မသော်တာ တို့ လိင်ဈေးကွက် အတွင်းသို့ မြန်မာ လူမျိုးများ သာမက နိုင်ငံခြားသား များလည်း မကြာခဏ လာလေ့ ရှိကြ သည်။

ကိုရီးယား၊ ဂျပန်၊ ဗီယက်နမ်နှင့် အိန္ဒိယနိုင်ငံသား များ အများဆုံး လာရောက်လေ့ ရှိကြပြီး မြန်မာနိုင်ငံ တွင် နှစ်ရှည် စာချုပ်ဖြင့် လာရောက် အလုပ်လုပ်ကြသည့် ဖက်စပ် ကုမ္ပဏီ များမှ အများစု ပါဝင်ဖြစ်ကြောင်း ဧည့်ကြို ကိုစိုးမိုးကျော် က ဆိုသည်။

“တချို့က စကားပြန် ပါပေမယ့် စကားပြန် မပါတဲ့ လူက ပိုများ ပါတယ်။ ဗမာစကားလည်း မတတ်၊ အင်္ဂလိပ် လို လည်း မတတ်တဲ့ အခါကျ ကျွန်တော်တို့ မှာ လက်ဟန်ခြေဟန် နဲ့ပဲ ဈေးစကားပြောရတယ်” ဟု ကိုစိုးမိုးကျော် က ဆိုသည်။

အချို့နိုင်ငံခြားသားများ မှာ ကျသင့်ငွေ ကို အပြည့်အဝ မပေးဘဲ နိုင်ထက် စီးနင်း ပြုကျင့်မှု များ ရှိကြောင်း လည်း ကိုစိုးမိုးကျော် က ဤသို့ ရင်ဖွင့် လာသည်။

“ကျွန်တော်တို့ က တရားမဝင် လုပ်ငန်းလေဗျာ… သူတို့ ပြဿ         နာရှာလာ လည်း အလျှော့ပေးလိုက် ရတာပဲ ရှိတယ်”


အဆိုပါ လမ်းတွင် ဇိမ်ခန်း များစွာ ဖွင့်လှစ်ထားသော်လည်း အခြား တစ်ဖက်ခြမ်း တွင် လူနေ တိုက်ခန်း များ၊ ဈေးဆိုင် များလည်း ရှိနေသည်။

လူနေ ရပ်ကွက်အတွင်း ယခုကဲ့သို့ ဇိမ်ခန်းများ တစ်စုတစ်စည်း တည်း တရားဝင် အလား ဖွင့်ခွင့်ရနေခြင်း အပေါ် နားမလည်နိုင်ကြောင်း အဆိုပါ ရပ်ကွက်တွင် နှစ်ပေါင်း ၃၀ ကျော်ကြာ နေထိုင်လာသူ အငြိမ်းစား အင်ဂျင်နီယာမှူးကြီး ဦးလှအောင် က အံ့သြဟန်ဖြင့် ဆိုလာသည်။

“၂၀၁၂ ခုနှစ် နောက်ပိုင်း မှ တစ်ခုစ နှစ်ခုစ ကနေ အများကြီး ဖြစ်လာတာ။ ကျွန်တော်တို့မှာ လည်း သမီးပျိုတွေ ရှိတယ်။ ဒီလမ်း မှာ ဒီလို တစ်စု တစ်ဝေးကြီး တရားဝင် နီးပါး ဖွင့်နေတာတော့ မကောင်းဘူးလို့ ထင်ပါတယ်” ဟု ၎င်းက ဆိုသည်။


တစ်ခါ တစ်ရံ စီမံချက် ရှိသည် ဆိုသည့် အခါတွင်သာ ရဲတပ်ဖွဲ့ က အဆိုပါ လမ်းရှိ ဇိမ်ခန်း အချို့ကို ဝင် ဖမ်းလေ့ ရှိကြပြီး မကြာမီ ပင် ပြန်လည် ဖွင့်လှစ်လေ့ ရှိကြောင်းလည်း ဦးလှအောင် က ဖြည့်စွက် ဆိုလာ သည်။

ဤသို့ အရေအတွက် အားဖြင့် တစ်ဒါဇင်ကျော် ရှိသော အဆိုပါ ဇိမ်ခန်း များကို တစ်နေရာ တည်းတွင် တစ်စု တစ်စည်း ထဲ ဖွင့်ခွင့်ပြုထားသည်မှာ လည်း ရပ်ကွက်နေပြည်သူများ အဖို့ သက်ဆိုင်ရာ တာဝန် ရှိသူများ အပေါ် မေးခွန်းထုတ် စရာ ဖြစ်လာသည်။

ဘန်ကောက် ပက်ပုန်းလမ်း ကဲ့သို့ပင် နိုင်ငံခြားသားများ၊ ပြည်တွင်း ရှိ ကြေးရတတ် လူတန်းစားများ သွားရောက်လေ့ ရှိသည့် နိုင်ငံတကာ အဆင့်မြင့် ပက်ပုန်းလမ်း တစ်လမ်းလည်း ရှိနေပြန်သည်။

ယင်းကား ကုက္ကိုင်းလမ်း အနီးရှိ ဂျပန် ရိုးရာ အနှိပ်ခန်း ဟု လူသိ များသည့် နေရာ တစ်ခု ဖြစ်သည်။
အဆို ပါနေရာ၏ ထူးခြားချက် မှာ ညနေ ၆ နာရီကျော်သည်နှင့် မည်သူ မဆို ဝင်ကြေးကျပ်နှစ်သောင်း ပေးရ သည်။

ဆိုင် အတွင်းတွင်တော့ နိုင်ငံတကာ မီးနီ ရပ်ကွက် များတွင်သာ တွေ့မြင်ရနိုင်သည့် Naked Show ဟု ခေါ်သော အမျိုးသမီးငယ်လေးများ ၏ ဝတ်လစ် စားလစ် ရှိုးပွဲ ကို ယမကာ များ သောက်သုံးလျက် ကြည့်ရှုနိုင် မည် ဖြစ်သည်။

“ရှိုးကြည့်လို့ လည်း ရတယ်။ ရေနွေးကန် စိမ်ချင်တယ် ဆိုလည်း ကောင်မလေးတွေ နဲ့ အတူ ဝန်ဆောင် မှု ပေး ပါတယ်။ ဈေးကတော့ တစ်ခါ သွားရင် သိန်းဂဏန်း ထွက် တာပဲ” ဟု အဆိုပါ နေရာသို့ သွားရောက် ခဲ့ဖူးသူ ရန်ကင်းမြို့နယ် တွင် နေထိုင်သည့် ကိုသူရ (အမည်လွှဲ) က ဆိုသည်။

ဂလိုဘယ်လိုက်ဇေးရှင်း ၏ ဘေးထွက်ဆိုးကျိုး ဟု ဆိုရမည့် လိင် ဆိုင်ရာ အပျော်အပါး နေရာ များ တွင် မြန်မာနိုင်ငံ သည်ကား နောက်ကောက်ကျ မကျန်ခဲ့ပေ။

ကြည့်မြင်တိုင် ညဈေး၊ သိမ်ကြီးဈေးနှင့် ဘုရင့်နောင်မြို့နယ် အတွင်း တို့တွင်လည်း စမ်းချောင်း ပက်ပုန်းလမ်း ကဲ့သို့ ပက်ပုန်း လမ်းငယ်လေး များ အစု အဝေးဖြင့် အစပျိုးနေပြီ ဖြစ်သည်။

ယင်းသို့ ပြည့်တန်ဆာ လုပ်ငန်းများကို ထိထိရောက်ရောက် အရေးယူနိုင်ခြင်း မရှိဘဲ တရားမဝင် လုပ်ကိုင် ခွင့်ပေးထားခြင်း သည် အကျင့်ပျက် ဝန်ထမ်း များကို လာဘ်ငွေ များ ပို၍ ရရှိအောင် ကူညီပေး သကဲ့ သို့ ဖြစ်နေ သည်ဟု ပြည်တွင်းရှိ NGO အဖွဲ့အစည်း တစ်ခု၏ တာဝန်ရှိ ဆရာဝန် တစ်ဦး ဖြစ် သူ ဒေါက်တာအောင်ကျော်စိုး က ထောက်ပြလာသည်။

အဆိုပါ   ပြည့်တန်ဆာ လုပ်ငန်း များသည် တရားဝင် လုပ်ငန်း မဟုတ်သည့် အတွက် ကူးစက်ရော ဂါ ပြန့် ပွားမှု ကိုလည်း ကျန်းမာရေး ဝန်ထမ်းများ မှ စနစ်တကျ ပညာပေး ထိန်းချုပ်နိုင်မှု အားနည်းလျက် ရှိကြောင်း ၎င်းက ထုတ်ဖော်ပြောဆို လာသည်။

ဖွံ့ဖြိုးဆဲ နိုင်ငံ တစ်ခု ဖြစ်သော မြန်မာနိုင်ငံတွင် အလုပ်အကိုင် ရှားပါးမှု၊ ပညာအရည် အချင်းဖြင့် အသက်မွေး ဝမ်းကျောင်းနိုင်မှု နည်းပါးနေမှု၊ အနိမ့်ဆုံး လုပ်ခ လစာ တည်ငြိမ်မှု မရှိခြင်းတို့ကြောင့် အမျိုးသမီးငယ် အများ စု သည် လိင်ဈေးကွက် အတွင်း အများအပြား ရောက်ရှိနေကြဆဲပင်။

မိခင်နိုင်ငံနှင့် နှစ်ရှည် ခွဲခွာကာ မြန်မာနိုင်ငံ အတွင်းသို့ နိုင်ငံခြား ရင်းနှီးမြှုပ်နှံမှု လုပ်ငန်းများနှင့်အတူ ဝင်ရောက် လာသည့် နိုင်ငံခြားသား အချို့ကြောင့်လည်း ယင်းသို့ ပြည်တွင်း လိင်ဈေးကွက် ဝယ်လို အား က မြင့်မား လာခဲ့သည်။

ရောင်းလို အားနှင့် ဝယ်လို အား များပြား လာသည်နှင့်အမျှ ရန်ကုန် ပက်ပုန်းလမ်း များသည်ကား စည်ကား သထက် စည်ကား၍ လာချေပြီ။

ပက်ပုန်းလမ်း များ စည်ကား လာသည်နှင့် အမျှ ကူးစက်ရောဂါ ကာကွယ်ရေး အတွက် တိကျသော မှတ်တမ်း များ၊ ပညာပေး လုပ်ငန်း များသည်လည်း လိုအပ် သထက် တိုး၍သာ လိုအပ်၍လာသည်။

“ကွန်ဒုံး သုံးတာ မသုံးတာ ကတော့ ဧည့်သည် နဲ့ ကောင်မလေးတွေ ညှိနှိုင်းမှု အပေါ် မူတည် ပါတယ်” ဟု မသော်တာ က အကာအကွယ် ပစ္စည်း အသုံးပြုမှုနှင့် ပတ်သက် သည့် ၎င်း၏ အသိ ကို ဖွင့်ဟလာသည်။


ဤသို့ဖြင့်…
တရားမဝင် ဟူသော ခေါင်းစဉ်အောက် တွင် တရားဝင် နီးပါး ဖြစ်လာနေသော ရန်ကုန် ပက်ပုန်းလမ်းများ သည် ကျန်းမာရေး အသိနတ္ထိဖြင့် ရောဂါဝေငှရာ ဌာနကြီးများ အသွင် တည်ရှိ လာမည် ဆိုလျှင်ဖြင့်…...........



ခက်ဇော်
 From...   
thevwwwoicemyanmar.com

No comments:

Post a Comment