မီးရထား စက်ခေါင်း

ကျွန်တော် ငယ်ငယ် က မီးရထား စက်ခေါင်းတွေ ကို တော်တော် သဘော ကျပါတယ်။ ပြောမယ့် သာပြော တာ.. တကယ်တမ်း ကျွန်တော်မွေးဖွား ကြီးပြင်း တဲ့နေရာ နဲ့ ဝန်းကျင် က မီးရထား နဲ့ ဘာမှ ပတ်သက် ဆက် စပ်ခြင်း မရှိပါဘူး။ 

ကျွန်တော်မွေးတာ က မန္တလေးဈေးချိုတော် အနောက်ဘက် အိမ်တော်ရာ ဘုရားတောင်ဘက်မုခ် က ဆင်းရဲ သား ရပ်ကွက်လေး မှာပါ။ ကျွန်တော့် အသိုင်း အဝိုင်း ထဲမှာလည်း မီးရထား ဝန်ထမ်း၊ မီးရထား နဲ့ ပတ်သက် တာ တစ်ယောက်မှ မရှိပါဘူး။ မီးရထား နဲ့ ခရီးသွားတာ ကလည်း တစ်နှစ် မှ တစ်ခေါက်တောင် အနိုင်နိုင်ပါ။ ဒါကလည်း မိဘတွေ ဇာတိဖြစ်တဲ့ ဘုတလင် ဘက် ကို နွေအခါ မှာပြန်ဖြစ်တာပါ။

ဟုတ်ပါတယ်။ တစ်နှစ် မှ တစ်ခါ ဆိုသလို မီးရထား စီးဖြစ်တဲ့ အချိန် မှာပဲ မီးရထား စက်ခေါင်းတွေကို စိတ်ဝင် စား သွားတာ ပါပဲ။ ကျွန်တော့် ဖခင် ဟာ ခရီးထွက်ရင် အလွန် ဝီရိယကောင်းလှပါတယ်။ မန္တလေး-ဘုတလင် လော်ကယ် က နံနက် ၅ နာရီခွဲလောက် မှ ထွက်တာပါ။ 

ဒါပေမယ့် အိမ်တော်ရာ ဘုရား တောင်ဘက်မုခ် အနီး နေအိမ် ကနေ မိုးမလင်းခင် နာရီပြန်နှစ်ချက်ခွဲ သုံးနာရီ လောက် ကတည်း က ကိုသန်းလေး မြင်းလှည်း နဲ့ ဘူတာ ကို ထွက်ဖြစ်ပါတယ်။ ဒီတော့ ဘူတာ ထဲရောက်နေတာ နံနက် အရုဏ်တက် လေးနာရီ ဆိုတာ နောက်အကျဆုံးပါ။

မီးရထား လက်မှတ် ဝယ်အပြီး မန္တလေး ဘူတာကြီး တောင်ဘက် အစွန် စက်ခေါင်းရုံ နားမှာ တွဲထိုး ထားတဲ့ ဘုတလင်လော်ကယ် ရထား တွဲဆိုင်းပေါ် ဘယ် ခရီးသည် မှ မရောက်သေးခင် အမှောင် ထဲမှာ ခြင် တဖျပ် ဖျပ် ရိုက်ရင်း ထိုင်နေရတာပေါ့။ ကျွန်တော် က ကလေးအရွယ် ဆိုတော့ အမှောင်ထဲ က မီးရထားတွဲထဲ တစ်နာရီလောက်ကြီး ဘယ်မှာ ထိုင်ချင်ပါ့ မလဲ...။ 

တွဲအောက် ဆင်းပြီး ဟိုသည်ကြည့်ချင် တာပေါ့။ ဒီတော့ စက်ခေါင်း ရုံနဲ့ အနီးအနား ဆိုတော့ အခြား စင်္ကြန် တွေ မှာ တွဲထိုး ထားပြီး ထွက်တော့မယ့် ရထားတွဲတွေ အတွက် မီးရထား စက်ခေါင်းကြီး တွေပြင် ဆင်နေတာ၊ ရှန်တိန် လုပ်နေတာတွေ ကိုကြည့်ရတာ ပျော်စရာကောင်းလှတယ်။ မည်းမည်း နက်နက် စက်ခေါင်းကြီးတွေ က မီးရဲရဲ၊ ရေနွေးငွေ့တထောင်းထောင်း၊ မီးခိုး တလူလူ နဲ့ ဥသြများ ဆွဲလိုက်ရင် လန့် သွား တာကို က ပျော်စရာပါ။ 

အသားမည်း သလောက် ဖွေးဖွေး လက်နေတဲ့ ယူနီဖောင်း ကို ကျကျနန ဝတ်ပြီး မီးရထား စက်ခေါင်းကြီး တွေပေါ် ကနေ မောင်းတံကြီးတွေ ဆွဲ၊ သံလက်ကိုင် ဘီးတွေ လှည့်၊ သံကြိုးကြီး တွေဆွဲပြီး စက်ခေါင်းကြီး ကို မောင်းနှင်နေတဲ့ စက်ဗိုလ်ကြီးတွေ ကိုလည်း သဘောကျ တယ်။

 မောင်းတံကြီးများ ဆွဲလိုက် ရင် ရေနွေးငွေ့တွေ မှုတ် ထုတ်ပြီး ဧရာမ မီးရထား ဘီးလုံး ကြီးတွေက မောင်း တံ ကြီး တွေ အ လှုပ် အရှားနဲ့ လည်ပတ်ပြီး စက်ခေါင်းကြီး ထွက်သွားတာ... နောက်ပြန် ဆုတ်သွား တာ။ ခေါင်းပေါ် က သံကြိုးလေး ဆွဲလိုက်ရင် 'တူ'ခနဲ ဥသြသံကြီး မြည်ဟည်း သွား တာတွေလည်း စိတ်ဝင် စားစရာကောင်းတယ်။

ရေနွေးငွေ့အားနဲ့ မောင်းနှင်တဲ့ မီးရထား စက်ခေါင်းကြီး ရဲ့ ပုံပန်းသဏ္ဌာန်၊ စက် ပစ္စည်းများ အလုပ်လုပ် ပုံတွေ ကို ကြည့်မဝ၊ ရှုမဝဖြစ်ရတယ်။ ဒီ မီးရထား စက်ခေါင်းကြီးတွေ ရဲ့ ပုံသဏ္ဌာန်တွေ ကို သဘောကျလို့ မှတ်သားဖန် များ လာတော့ ပန်းချီ ဝါသနာပါစ၊ ကျွန်တော့် ပန်းချီလေ့ကျင့်ခန်း ဟာ အခြား သူတွေ နဲ့မတူဘဲ မီးရထား စက်ခေါင်းကြီး ရဲ့ ရှေ့တည့်တည့် အမြင်၊ ဘေးတိုက် အမြင်၊ ဘေးတစောင်း အမြင် ပုံတွေများတယ်။

 ရေနွေးငွေ့စက်ခေါင်းကြီး က ဥသြသံ ပေးရင်း မီးခိုးတွေ မှုတ်ထုတ် ကာ နောက်ပြန် ဆုတ်ခုတ်မောင်း လာ ရင်း ကျွန်တော် တို့ စီးမယ့် ဘုတလင်လော်ကယ် ရထားတွဲဆိုင်း ကို 'ဂျိမ်း'ခနဲ တွန်းလိုက်ပြီး မီးရထား အလုပ် သမားတွေ က တွဲကို ချိတ်ဆက် လိုက်မှပဲ ကျွန်တော့် ကို ရထားတွဲပေါ် အဖေ ကပြန်တက် ခိုင်းတယ်။

 ဒါပေမယ့် စက်ခေါင်း ချိတ်ပြီး အနည်းဆုံး နာရီဝက်လောက်ကြာ မှ ရထား ထွက်မှာ မို့ ကျွန်တော်က တွဲပေါ် မတက် ချင်သေးဘူး။ မီးရထား စက်ခေါင်းကြီးကို ကြည့်ချင်နေသေး တယ်။ နောက်ဆံ တငင်ငင် နဲ့ပေါ့။ 

တွဲပေါ်ကျန်ရစ်တဲ့ အမေ က စိတ်ပူ လို့ တွဲပေါက်ကခေါင်းပြူပြီး တွဲပေါ်တက် ဖို့ တစာစာအော်ခေါ်နေ ပြီလေ...။ 

မီးရထား တွဲပေါ်ရောက် မီးရထားထွက်ပြီ ဆိုရင် မြို့ဟောင်း ဘူတာ က အထွက်ရောက်တော့ ကိုယ်စီးတဲ့ ရထား တွဲရဲ့ ညာဘက်ခြမ်း ကနေ ပြတင်း ပေါက်မေးတင်ပြီး အနောက်ဘက်ကွေ့ဝိုက် သွား တဲ့လမ်း အတိုင်း ရှေ့က မီးခိုး တလူလူ နဲ့ ခုတ်မောင်း သွားတဲ့ မီးရထား စက်ခေါင်းကြီး ကို မမေ့မလျော့ ကြည့်ရသေး တယ်။

 မြို့ဟောင်း ဘူတာ က အထွက် မှာ တည့်တည့် သွားတာ က ရန်ကုန်လမ်း မဟုတ်လား။ ဘုတလင်-မုံရွာ သွားတဲ့ လမ်း က အနောက်ဘက် ကွေ့ဝိုက် ချိုးသွားတာလေ။ အဲဒီ လို လမ်းအကွေ့ကို ပဲ အမရပူရ ဆိပ်ကမ်း ဘူတာက အထွက် စစ်ကိုင်း တံတား အဝင် မှာလည်း ရှိတော့ အားမရသေးဘဲ ထပ်ကြည့်ရပြန် တယ်။ 

စစ်ကိုင်း တံတား သံမဏိ ခုံးကြီးအောက် မီးရထား စက် ခေါင်းကြီး ဝင်သွားတာ က ပိုကြည့် ကောင်းတာကိုး ...။ စစ်ကိုင်း က ကျော် တော့ ကျွန် တော် မ ကြည့် နိုင် တော့ ဘူး။ ရ ထား တောက် လို့ အမေ့ ရင်ခွင် ကြား ခေါင်းတိုး ဝင် ပြီး အိပ်ရပြီလေ...။


ဒါပေမယ့် ညောင်ပင်ဝန်း ဘူတာရောက်ရင် ဈေးသည် တွေ ဆီက ထမင်း ဝယ်စားရင်း ဘူတာထဲ က ရေ တိုင်ကြီးမှာ မီးရထား စက်ခေါင်းကြီးက တွဲကဖြုတ်ပြီး ရေထည့် တာမို့ တွဲပေါ်က ဆင်း ထမင်းစားရင်း ကြည့် ရသေးတယ်လေ...။

ငယ်ငယ်က စိတ်ဝင်စားတဲ့ ရေနွေးငွေ့စက်ခေါင်းတွေ ကို ကြီးတော့ လည်း စိတ်ဝင်စားတယ်။ အိမ်ထောင် ကျပြီး သားဦး ရတာတောင် သားကို စက်ဘီး ရှေ့က ခုံပေါ် တင်ပြီး ဘူတာကြီးထဲ သွားထိုင်ရင်း စက်ခေါင်းတွေ ကို ကလေး ကိုပဲ ပြသလိုလို နဲ့ တမက်မောမော သွားကြည့်ဖြစ်ပါသေးတယ်။ 

စက်ခေါင်း ကြီးတွေ စိတ်ဝင် စားတော့ နည်းနည်း ပါးပါး တီးခေါက်လေ့လာဖြစ်တဲ့ အခါ ... မြန်မာပြည် မှာ မီးရထားလမ်း စဖွင့် က တည်းက ရေနွေးငွေ့ စက်ခေါင်း တွေသုံးခဲ့ တယ်။ နောက်ပိုင်း မြန်မာပြည် မီးရထား ဌာန က တစ်လျှောက်လုံး သုံး ခဲ့တဲ့ ရေနွေးငွေ့စက်ခေါင်းတွေ မှာ အပေါ့စား စက်ခေါင်းတွေ က A တဲ့၊ E တဲ့၊MSတဲ့၊ ST တဲ့၊F တဲ့၊ FS တဲ့၊ L တဲ့၊ LS တဲ့။ 

အလတ်စား စက်ခေါင်း တွေ ကတော့ J တဲ့၊ JS တဲ့၊ K တဲ့၊ KS တဲ့၊ C တဲ့...။ အကြီးစား စက်ခေါင်း ကြီးတွေ ကYB တဲ့၊YC တဲ့၊ YD တဲ့၊ D တဲ့၊ GBတဲ့၊ GC တဲ့...။ အဲဒီ စက်ခေါင်းကြီးတွေ ဟာ အင်္ဂလန် နဲ့ အမေရိကန် လုပ်တွေဖြစ်တယ်။ 

ဂျပန် ခေတ် မှာတော့ ဂျပန်လုပ် စက်ခေါင်းတွေ ဝင်လာပေမယ့် မဖြစ်လောက်ဘူး တဲ့။ တစ်လျှောက်လုံး အင်္ဂလန် နဲ့ အမေရိကန် စက်ခေါင်းတွေ ပဲ သုံးခဲ့တာ ပါတဲ့။ နောက်ပိုင်း ရန်ကုန်-မန္တလေး လမ်းပိုင်း နဲ့ အချို့မြေပြန့် လိုင်းတွေ အတွက် ဒီဇယ် စက်ခေါင်းတွေ သုံးလာတော့ ပြင်သစ်လုပ် Alston တို့၊ အနောက် ဂျာမနီ လုပ်Krupp တို့ နဲ့ ဂျပန်လုပ် KSK တို့၊ Hitachi တို့၊ Kawasakiတို့ စက်ခေါင်း အမျိုးအစားတွေ သုံးလာ တယ်။ 

၁၉၈ဝ ကျော် ကာလ အထိပေါ့လေ။ရေနွေးငွေ့စက်ခေါင်းကြီးတွေ ကို အဲဒီ ၁၉၈ဝ ကျော် ကာလတွေ မှာ အထိ အသုံးပြုနေတာတွေ့ရဆဲပါ။ အထူး သဖြင့် မြေပြန့် က လော်ကယ် ရထား တွေမှာပေါ့။ မန္တလေး မှာဆို မန္တလေး-မတ္တရာ ရထား ကို ရေနွေးငွေ့ စက်ခေါင်းနဲ့ ပြေးဆွဲ ခဲ့တာပါပဲ။ နာမည်ကျော် ရွှေကျင်-မဒေါက်လမ်း ပိုင်းတို့၊ ကြေးနီ- တောင်တွင်းကြီး လမ်းပိုင်းတွေမှာ လည်း ရေနွေးငွေ့စက်ခေါင်းကြီးတွေနဲ့ ကမ္ဘာသိဖြစ်လာ တယ်။ 

ရန်ကုန် အခြေပြုပြီး လမ်းပိုင်းလော်ကယ်တွေ က လည်း ရေနွေးငွေ့စက်ခေါင်းတွေနဲ့ ပါပဲ။
၂ဝဝ၆ ခုနှစ်လောက်က ထင်ရဲ့။ ကျွန်တော် ဂျာနယ် မှာ လုပ်စဉ် ကာလ မှာပါ။ အသက် ၁၉ နှစ်လောက် ရှိတဲ့ တပည့် သတင်းထောက်လေး က တစ်ခုသော နံနက် မှာ ရုံးပေါ် အပြေးအလွှား တက်လာပြီး ရုံးရဲ့အရှေ့ နားက အေလမ်း ခုံးကျော် တံတားအောက်မှာ ဘာကြီးလဲ မသိဘူး။ မီးတွေ တရဲရဲ နဲ့မို့ ကင်မရာ လာယူ တာတဲ့လေ။

 မေးလိုက်တော့ မှ... ရေနွေးငွေ့စက်ခေါင်းကြီး တစ်လုံး က ဘူတာထဲ ဝင်ဖို့ အလံ မချိုးသေး လို့ စောင့်နေ တာ ပါလား...။ သူက ၁၉၈၇.. ၁၉၈၈ လောက် မှမွေးတာ ဆိုတော့ ရေနွေးငွေ့စက်ခေါင်း ကို မမြင်ဖူး ဘူး လေ..။ 

အဲဒီ စက်ခေါင်းကြီး က ကမ္ဘာလှည့် ခရီးသည်တွေ ပါတဲ့ အထူးရထား အနေ နဲ့ မတ္တရာကို ပို့ဖို့တဲ့လေ။ တပည့်ကျော် သတင်းထောက်လေး ခမျာ ဒီရထား ကြီးနောက် တကောက်ကောက် လိုက်ပြီး မှတ်တမ်း တင်ရတာအမော...။

မနှစ်က ရန်ကုန် ကို မီးရထား နဲ့သွားတော့ ပြွန်တန်ဆာ ဘူတာရုံက အထွက် မှာ စက်ခေါင်းရုံကြီးထဲ ရပ်ထား တဲ့ ရေနွေးငွေ့စက်ခေါင်းကြီးတွေ အများ ကြီးတွေ့လိုက် ရတယ်။ တော်တော်ပျော် သွားတယ်။ ဒါနဲ့ မီးရထား နဲ့ နီးစပ် သူမေးကြည့်တော့ စက်ခေါင်းကြီးတွေ တော်တော် များများ ပြွန် တန်ဆာ မှာပဲ ထားတာတဲ့။ သုံးလို့ ရတာ သိပ် မရှိတော့ဘူး ဆိုလားပဲ။

ဘာပဲပြောပြော ... ကျွန်တော့် လို အဲဒီ စက်ခေါင်းကြီးတွေ ကို သဘော ကျတဲ့ သူတွေ အများကြီး ရှိမှာ.. .။ နိုင်ငံခြား က မြန်မာပြည် လာ လည်  တဲ့ နိုင်ငံခြား သားတွေ လည်း အများကြီး ရှိမှာ...။ သေချာ တာက အင်္ဂလိပ် ကိုလိုနီဖြစ်ခဲ့ တဲ့ မြန်မာပြည် မှာလို ရေနွေးငွေ့စက်ခေါင်းကြီးတွေ အများအပြား ကျန်သေးတဲ့ တိုင်းပြည် မျိုးလည်း ကမ္ဘာ မှာ ရှားကုန်လောက်ပါပြီ။ 

ဒီတော့ ဒီ စက်ခေါင်းကြီးတွေ ကို ပြေးဆွဲလို့ ရအောင် ပြင် ဆင်ပြီး ပြည်တွင်း ခရီးသည် တွေ အတွက်၊ နိုင် ငံခြား ခရီးသည်တွေ အတွက် အပျော်စီး၊ လေ့လာရေး၊ ခရီးတို အစီအစဉ်တွေ ပြုလုပ်ပေးရင် ကောင်းပါမယ်။ 

လယ်ကွင်း၊ ဆည်ရေ၊ ကျေးလက် သဘာဝတွေ အတွက် မန္တလေး-မတ္တရာ ခရီးစဉ် မျိုး၊ ရိုးရာ ဓလေ့ ဘာသာရေးဘုရား ပုထိုး မြင်ကွင်းတွေ အတွက် မန္တလေး၊ စစ်ကိုင်း၊ ရွာထောင် ခရီးစဉ်မျိုး၊ မန္တလေး ထုံးဘို ခရီးစဉ်မျိုး စသည်ဖြင့်ပေါ့လေ...။

ကျွန်တော် ကတော့ ဒီ စက်ခေါင်းကြီးတွေ လှုပ်ရှား တာ ပြန်မြင် ရရင် အသက် ၃ဝ လောက် ငယ်သွားမယ် ထင်ပါရဲ့။


ဆူးငှက်
 MOI Webportal Myanmar