Friday, February 19, 2016

စုပေါင်းပိုင် အဆောက်အအုံ ဆိုင်ရာ ဥပဒေနှင့် အိမ်ခြံမြေ ဈေးကွက် အပြောင်းအလဲ

 
 (ဓာတ်ပုံ-စည်သူအောင်)

 ၂၀၁၆ခုနှစ် ဇန်နဝါရီလ ၂၉ ရက် တွင် မြန်မာနိုင်ငံ သမ္မတ ဦးသိန်းစိန် က ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ အရ လက်မှတ်ရေးထိုးပြီး ပြည်ထောင်စု လွှတ်တော်က အတည်ပြု ခဲ့သည့် စုပေါင်းပိုင် အဆောက်အအုံ ဆိုင်ရာ ဥပဒေ ထွက်ပေါ်လာခဲ့သည်။

ယင်း ဥပဒေ အရ အဆောက် အအုံ တစ်ခုလုံး ၏ ၄၀ ရာခိုင်နှုန်းထက် မပိုသော အိမ်ခန်းများ ကို နိုင်ငံခြား သားများ ဝယ်ယူခွင့် ရမည် ဆိုသည့် အချက်လည်း ပါဝင် လာသောကြောင့် ထို ဥပဒေမူကြမ်း ထွက်ပေါ် လာသည့် အချိန်က ပင် အိမ်ခြံမြေဈေးကွက် အပြောင်း အလဲဖြစ်ပေါ်လာမည် ဟု သုံးသပ်မှု များကြား ခဲ့ရသည်။

ယခု တင်ဆက်မည့် 7 Minutes အစီအစဉ် တွင် စုပေါင်းပိုင် အဆောက်အအုံ ဆိုင်ရာ ဥပဒေနှင့် ပတ် သက် ပြီး ဆောက်လုပ်ရေး လုပ်ငန်းရှင် တော်ဝင် ဦးကိုကိုထွေးနှင့် မဇ္ဈိမ သတင်းထောက် မရှုမဝအောင် တို့ က ဥပဒေကြောင့် ဈေးကွက် အတွင်း သက်ရောက်မှု ရှိလာနိုင်မည့် မေးခွန်း တစ်ချို့ကို မေးမြန်းထားသည်။


မဇ္ဈိမ - ဦးကိုကိုထွေး မင်္ဂလာပါရှင့်။ 
7 mins  အစီအ စဉ် ကို အချိန်ပေးတာလဲ ကျွန်မ တို့ အစီ အစဉ် ကနေ ကျေးဇူးတင်ပါတယ်။ ဟုတ်ကဲ့ အရင်ဦးဆုံး အနေနဲ့ လတ်တလော ထွက်ရှိ ထားတဲ့ စုပေါင်း အဆောက် အအုံဆိုင်ရာ ဥပဒေနှင့် ပတ်သက်ပြီးတော့ ဒီဥပဒေ အပေါ် ဆောက်လုပ်ရေး လုပ်ငန်းရှင် တစ်ယောက် အနေ နဲ့ ပြောပါ ဆိုရင် ဘယ်လိုများ မှတ်ချက်ပေးချင်ပါလဲရှင့်။

ဦးကိုကိုထွေး - အဲဒီ ဥပဒေ ကတော့ ကွန်ဒိုမိနီယံ Law လို့တော့ အများ နားလည်ထားတာပေါ့လေ။ ဒီ ကွန်ဒို မိနီယံ Law က ကွန်ဒိုမိနီယံ  သက်သက် အတွက်တော့ လိုအပ်တဲ့ ဥပဒေ တစ်ခုဖြစ်ပါတယ်။ ဒါပေမယ့် ကွန်ဒိုမိနီယံ အတွက် လိုအပ်တယ် ဆိုတဲ့ ပုံသဏ္ဍာန်တော့ မကျတဲ့ သဘောလေး ရှိပါတယ်။ 

ဘာဖြစ်လို့လဲ ဆိုတော့ ဒီ ဥပဒေ ဟာ ဝန်ကြီးဌာန လက်အောက် တစ်ခုတည်း ကို ရောက်သွားတဲ့ ဥပဒေဖြစ် ပါတယ်။ ဥပမာ အားဖြင့် ပြောရမယ် ဆိုလို့ရှိရင် ကျွန်တော်တို့ ဒီ  ဆောက်လုပ်ရေး နဲ့ ပတ်သက်လို့ ရှိရင် ကျွန်တော်တို့ ခွင့်ပြုမယ့် အာဏာပိုင် အဖွဲ့အစည်း က ကျွန်တော်တို့ မြို့တော် စည်ပင်သာယာဖြစ်တယ်။

 မြို့တော် စည်ပင်သာယာ မြေယာ နဲ့ ပတ်သက် လို့ကော နောက်ပြီးတော့ အဆောက်အအုံ ခွင့်ပြုချက်နဲ့ ပတ်သက် လို့ကော သူရဲ့ authority စည်ပင်သာယာ ကို ပေးထားတာ။ တစ်ခါ ထပ်ပြီးတော့ ကွန်ဒိုမိနီယံ လုပ်မယ် ဆိုတာနဲ့ ဆောက်လုပ်ရေး ဝန်းကြီးဌာန ဆီကို တစ်ခါပြန်သွားရတယ်။ 


အဲဒါ ဆိုလို့ရှိရင် နည်းနည်း နားလည်မှု လွဲစေတာ ကတော့ ဘာလဲ ဆိုတော့ ဒီ အဆောက်အအုံ ကို ခွင့်ပြု ချက်ပေးမယ် ဆိုရင် ဒီဆောက်လုပ်ရေး လုပ်ငန်း ဝန်ကြီးဌာန တစ်ခုတည်း ပြီးမှာလား။ အဲဒါ လည်း မပြီးနိုင် ဘူး။ မြို့တော် စည်ပင်သာယာလည်း တင်ရမယ်။ 

ကျွန်တော်တို့ လက်ရှိ ကန်ထရိုက်တွေ ကိုယ်ပိုင် အိမ်ဆောက်မယ့် လူတွေ Owner  တွေကော အားလုံး နားလည် ထားတာက ဆောက်လုပ်ခွင့် တင်ရတာ ကို တင်ပဲ ကျွန်တော်တို့ စည်ပင်သာယာ မှာ လနဲ့ နှစ်နဲ့ ချီပြီးတော့ ကြာနေတယ်။ 

အဲဒါ ကို ထပ်ပြီးတော့ ဆောက်လုပ်ခွင့် နဲ့ ပတ်သက် လို့ ဝန်ကြီး ဌာန တစ်ခုက ထပ်ပြီးတော့ ခွင့်ပြုချက် တင် ရတော့မယ် ဆိုရင် နှစ်ထပ်ကွမ်းဖြစ်သွားတဲ့ အတွက် ကျွန်တော်တို့ ကို ချုပ်ကိုင် တဲ့ အဖွဲ့အစည်းနှစ်ခုဖြစ် သွားတယ်။ ဒါ ကတော့ ဖြေလျော့ရမယ် ဆိုတဲ့နေရာမှာ မဖြေလျော့ပဲ ထပ်တင်လိုက်တယ် ဆိုတဲ့ ပုံစံမျိုး တစ်ခုရောက်သွားတယ်ပေါ့။ 

ဒါတွေကို ကျွန်တော် တို့ အရင်တုန်း ကလည်း ဆွေးနွေးဖူးပါတယ်။ ဒီ ကွန်ဒိုမိနီယံ Law ရဲ့ ပင်မ ထွက် လာ တာ ၁၉၉၅ ခုနှစ်လောက် က ကျွန်တော် တို့ တိုက်ခန်းတွေ ကို နိုင်ငံခြားသား ကိုရောင်းမယ် ဆိုရင် ကွန်ဒိုမိနီယံ Law နဲ့ ရောင်းလို့ရတယ် ဆိုတဲ့ Concept ကနေပြီးတော့လာတယ်။ 

အဲဒါ ကို ဦးဆောင်တဲ့ အဖွဲ့ အစည်း က အဲဒီတုန်း ကတော့ စည်ပင်သာယာ ထက်  အိုးအိမ် ဦးစီးဌာန ကနေ အားလုံး ကို ချုပ်ကိုင် ထားတဲ့ အနေထားမို့ သူက ဦးဆောင်တာပေါ့နော်။ ဒီနှစ် က ခေတ်ကပြောင်းသွားပြီ။ အခု ဟာက ဒီနေ့ ဒီချိန်ဟာ စည်ပင်သာယာ လက်အောက် ကိုရောက်သွားတယ်။ 

အိုးအိမ် ဦးစီးဌာန က နောက်ဆုတ် သွားတယ်။ အခု တစ်ခါ အိုးအိမ် ဦးစီးဌာန ကို ပြန်သွင်း လာတဲ့ သဘော မျိုးလေး သက်ရောက်တဲ့ အတွက် ဒီအရာနှစ်ခု ဟာ နည်းနည်း confuse (ရှုတ်ထွေးမှု) ဖြစ်နေတာပေါ့နော်။


မဇ္ဈိမ - ဟုတ်ကဲ့ပါရှင့်။ ဒီ ဥပဒေထဲ မှာ မြို့ရွာနှင့် ပတ်ဝန်းကျင်ဒေသပေါ့နော်။ ဒီ ဖွံ့ဖြိုးတိုးတက်ဖို့ စီမံကိန်းတွေ အိမ်ယာ ကဏ္ဍတွေ စနစ် တကျ ဖွံ့ဖြိုး တိုးတက်ဖို့ ဆိုတာတွေ အပြင် စီးပွားရေး ရင်းနှီးမြုပ်နှံမှုတွေ ပါတာ ကျွန်မတို့ တွေ့ရတယ်ပေါ့နော်။ အဲတော့ ဒီလိုမျိုး ပါတဲ့ အချက်တွေ က ဆောက်လုပ်ရေး လုပ်ငန်းတွေကို ဒီထက် ပိုပြီးဖွံ့ဖြိုးတိုးတက်ဖို့ အထောက်အကူ ဖြစ်စေလားရှင်။


ဦးကိုကိုထွေး- ရည်ရွယ်တာတော့ အဲဒီလို ရည်ရွယ်တာပေါ့နော်။ အဲဒါကို နောက်ကနေ လိုက်မယ့် ဥစ္စာ တစ်ကယ် ကျတော့ မြေယာ ဥပဒေတွေ လိုတာပေါ့နော်။ မြေယာ ဥပဒေ ကို ပီပီပြင်ပြင် မလုပ်ပေးနိုင် ရင်တော့ ဒီ ဥပဒေ ဟာ ဘာမှ လုပ်လို့ မရဘူးပေါ့။ 

ဒီ ဥပဒေ ကတော့ ရည်ရွယ်ချက် အတွက် အစပျိုးပြီးတော့ လမ်းစလေး ထောင် ထားတဲ့ အနေထားပဲ ရှိပါ တယ်။ ကျွန်တော်တို့ က ဆိုင်းဘုတ်ထောင်တုန်း ပဲ ရှိတာပေါ့လေ။ အဲဒီတော့ တကယ်တမ်း မြေယာတွေ ဒါတွေ ကို ဖွံ့ဖြိုးချင်တယ် ဆိုရင် ကျွန်တော်တို့မှာမြေယာဥပဒေတွေ ပီပီပြင်ပြင်ဖြစ်ဖို့လို တယ်။ နောက် ပြီးတော့ အဆောက် အဦး တွေ ကို ဘယ်လိုဆောက်ရမယ် ဆိုတဲ့ ကန့်သတ်ချက်တွေ သီးသီး သန့်သန့် လုပ်ထား လိုက်ရင် လူ က ကိုယ်ဘာ လုပ်ရမယ် ဆိုတာ နားလည်သွားတယ်။ 

အခုက အဆောက်အဦ တစ်ခုဆောက်တော့မယ် ဆိုရင် ဘေးက အိမ်တွေ သဘောတူ မလား ကိုယ်နဲ့ ရန်ဖြစ် ထားတဲ့ အိမ်များ ရှိရင် ကျွန်တော်တို့ အိမ်ဟာ ဆောက်လို့ မရတဲ့ အိမ် ဖြစ်သွားမယ်။ အဲတော့ တစ်ယောက်နဲ့ တစ်ယောက် အမြဲတမ်း တည့်နေမှာ မဟုတ်ဘူးလေ။ ညီအစ်ကိုမောင်နှစ်မခြင်းလည်း တည့်ချင်မှ တည့်မှာပေါ့။ 

ဒါကြောင့် မို့လို့ ဒါဟာ မှန်ကုန်တဲ့ ဆုံးဖြတ်ချက်တွေ ချနိုင်ဖို့ လူတိုင်း ကိုယ်စီ လိုအပ်တာတွေ ချနိုင် ဖို့ နောက်ပြီးတော့ မြို့ရွာ မှာ ကန့်သတ်ချက်တွေ ဘာတွေတော့ ကန့်သတ်မယ်။  ဘယ်မှာတော့ အထပ်မြင့်ဟာ ဘယ်လောက်ထိ ဆောက်နိုင်တယ်။ ဘယ်မှာတော့ ဆောက်ခွင့် မရှိဘူး။ ဘယ်လောက် မဆောက် ရဘူး။ သူရဲ့အားလုံး ဟာ ဥပဒေနှင့် အညီ ကန့်သတ်ချက်တွေ လုပ်ပေးလိုက်မယ် ဆို ရင်တော့ ဒါတွေက အဆောက်အဦးဆောက်တဲ့ ဟာတွေ အကုန်လုံးကို ဖွံ့ဖြိုး သွားမှာ ဖြစ်ပါတယ်။


မဇ္ဈိမ -  ပြီးတော့ ဦးကိုကိုထွေး တို့ ရေးဆွဲနေတဲ့ အိမ်ရှင်၊ အိမ်ငှား ဥပဒေ အခြေအနေ က ဘယ်လောက် အဆင့်ထိ ရောက်နေပြီ လဲရှင့်။

ဦးကိုကိုထွေး - အိမ်ခြံမြေ အကျိုးသက်ရောက်မှု ဆိုတာက အခုလက်ရှိအနေထားနဲ့ ကန့်သတ်ချက်က စုပေါင်း ပိုင်မြေ ကို စုပေါင်းပိုင်မြေ အဖြစ် သတ်မှတ်မယ် ဆိုရင် ဒီ အခန်းတွေ ဝယ်တဲ့ သူတိုင်း စုပေါင်း ပြီးတော့ ဝယ်တယ် လို့ သက်ရောက်သွားတယ်။ စုပေါင်းပြီးတော့ ပိုင်တယ် လို့ သက်ရောက် တာနဲ့ တစ်ပြိုင်တည်း နိုင်ငံခြားသား ကို ရောင်းလိုက်ရင် နိုင်ငံခြားသား ကလည်း မြေပိုင်မယ်။ သူဟာသူ တစ်လက်မပဲ ပိုင်ပိုင် တစ်ပေပဲ ပိုင်ပိုင် တကယ်တော့ နိုင်ငံခြားသား ဟာ မြေပိုင်ဆိုင်ခွင့် မရှိဘူး။ 

ဒါကြောင့် မို့လို့ မြေပိုင်တယ် လို့ ပြောလို့ မရဘူး။ ဒါကြောင့်မို့လို့ သူက ဒီ တိုက်ခန်းကို ဝယ်တယ် ဆိုလို့ ရှိရင် လည်း ကျွန်တော် တို့ ၈၇ ဥပဒေကြီး က ရှိနေတယ်လေ။ ၈၇ ဥပဒေ ကို ပယ်ဖျက်လိုက်မယ် ဆိုရင် မြေတွေပါ ပါသွားမယ်။ ဒါမှ မဟုတ် မပယ်ဖျက်ပဲ နဲ့ ၈၇ ထဲ က အဆောက်အဦး နဲ့ ပတ်သက်လို့ မပါဘူး ဆိုရင်လည်း ဒါတွေ ကို ခွဲခြားဖို့ ဆိုတာ နည်းနည်းတော့ ခက်တယ်။ 

၈၇ တစ်ခုလုံးကို ပယ်ဖျက်လိုက်မယ်ဆိုရင်လည်း နောက်ကြောင်းရာဇဝင်တွေ မြေရာဥပဒေနှင့် ပတ်သက်တဲ့ ကိစ္စတွေ အများကြီး ရှုပ်ထွေး လာနိုင်တယ်။ အဲတော့ ဒါကြီးကို ပယ်ဖြစ်ဖို့ အတွက် မြေရာ ဥပဒေနှင့် တိုက်ခန်း လွှဲပြောင်းခြင်း ဆိုင်ရာ ဥပဒေ နှစ်ခု ကို သီးသီး သန့်သန့် ပေါ်ထွက် လာမှသာ ဒီ ဥပဒေ အရ ရောင်း ခွင့် ရှိမယ်။ 

အခု ဟာက ဒီ ဥဒေ က ရောင်းခွင့်ရှိတယ်။ ၈၇ ကြီး က ရောင်းခွင့် မရှိဘူး။ အဲဒီနှစ်ခု က constrict ဖြစ်နေ တယ်။ အဲဒီ constrict ဖြစ်နေတဲ့ ကိစ္စကို ဘယ်လိုဖြေရှင်း မှာလဲ။ ဒီ ဥပဒေက ဖြေရှင်း ထားတာ မရှိဘူး။

မဇ္ဈိမ - အဆုံးသတ်ဆွေးနွေးချင်တာ က ဒီ စုပေါင်းအဆောက်အအုံ ဆိုင်ရာဥပဒေ မှာ စုပေါင်း အဆောက်အအုံ ရဲ့ ၄၀ ရာခိုင်နှုန်းထက် မပိုတဲ့ အိမ်ခန်းတွေ ကို   နိုင်ငံခြားသားတွေ   ရောင်းချခွင့်၊ ငှားရမ်းခွင့် နဲ့ ပေါင်နှံခွင့် ဆိုတဲ့ အချက်တွေလည်း ပါလာတယ်။ 

သူတို့ကို ရောင်းချတဲ့ အခါမှာလည်း နိုင်ငံခြား ကနေ တရားဝင်ငွေလွှဲပေးပို့တဲ့   နိုင်ငံခြားငွေ နဲ့ ပဲရောင်းချရမယ် ဆိုတဲ့ အချက်တွေကြောင့် ဦးကိုကိုထွေး အနေနဲ့ နိုင်ငံခြား ရင်းနှီးမြှုပ်နှံမှုနဲ့ ကွန်ဒိုဈေးကွက်တွေ ထဲမှာ   နိုင်ငံခြားငွေ စီးဆင်းလာမှုက   ပြည်တွင်း ကျပ်ငွေ တန်ဘိုး အခြေအနေ အပေါ်မှာ အန္တရာယ်ရှိနိုင်..မရှိနိုင်ဆိုတဲ့ အချက်တွေကို ဆွေးနွေးပေးပါရှင့်။

ဦးကိုကိုထွေး - သူတို့ ကတော့ပြောတာပေါ့။ အဲဒီနိုင်ငံခြား ကနေ ငွေတွေ တရားဝင် လွှဲတယ်။ အဲဒီနိုင်ငံခြားငွေ ကို ထိန်းချုပ်မှုတွေ လည်း ပါတာပေါ့နော်။ အဲတော့ ဒီဟာ အတွက် နိုင်ငံခြားငွေကို လွှဲပေးရမယ်။ လွှဲပြီးတော့ ဝင်လာရမယ်။ တကယ်လို့ သူတို့ က ဒီမှာ ပဲ နိုင်ငံခြားငွေ ရတဲ့ အလုပ်တွေ မရှိဘူးလား။ ရှိတယ်လေ။

 နိုင်ငံခြား က ငွေတွေ ဝင်လာတဲ့ ဥစ္စာ ကို ဝင်ပြီးသား အရောင်းအဝယ် လုပ်ထား တဲ့ သူ ပိုက်ဆံ ဥပမာ ဒီမှာ လစာ ရတယ်။ ရတဲ့ ပိုက်ဆံ ပေးလို့ မရဘူးလား။ ဒါမျိုးတွေပေါ့နော်။ အဲဒီတော့ နိုင်ငံခြား ကနေ invest လုပ်တဲ့ သူတွေ က ဆိုလိုချင် တာကတော့ နိုင်ငံခြား ကနေ ငွေယူ လာပြီးတော့ invest လုပ်ပြီးတော့ ဝယ်ပါ လို့ ပြော တာ နဲ့ တူတယ်။ အဲဒီတော့ ဒီဟာ အတွက် ကန့်သတ်ချက်လေး ကတော့ ကောင်းသလိုလိုပဲလေ။ ဒါပေမယ့် ဝယ်တဲ့သူ အတွက် ကတော့ နည်းနည်း ရှုပ်ထွေးမှုတွေ ပါတာပေါ့နော်။  





 ရှုမ၀အောင်
 http://mizzimaburmese.com/article/10882

No comments:

Post a Comment