Thursday, March 10, 2016

ပြည်ထောင်စု လွှတ်တော်တွင် ရွေးချယ် တင်မြှောက်မည့် နေ့ရက်များ




နိုင်ငံတော် သမ္မတ ဂတိ သစ္စာ ပြုပွဲ အပါအဝင်..
ဝန်ကြီးများနှင့် ရှေ့နေချုပ်
စာရင်းစစ်ချုပ် များအား
ပြည်ထောင်စု လွှတ်တော်တွင် ရွေးချယ် တင်မြှောက်မည့် နေ့ရက်များ..။
................................................

နိုင်ငံတော် သမ္မတ တာဝန်နှင့် အစိုးရ တာဝန်များ လွှဲပြောင်းမှု ကို မတ်လ ၁၀ ရက် မှ မတ်လ ၃၁ ရက်နေ့ အထိ အစီအစဉ်များ အတိုင်း ပြုလုပ် သွားမည်ဖြစ်ကြောင်းသိရသည်။

ပြည်သူ့လွှတ်တော်နှင့် အမျိုးသား လွှတ်တော်တွင် ဒုတိယ သမ္မတ အမည် စာရင်း အဆိုပြုလွှာ ကို မတ်လ ၁၀ ရက် တွင် တင်သွင်းမည်ဖြစ်ပြီး မတ်လ ၁၁ ရက် တွင် အဆိုပြုလွှာ ကို စိစစ်ရေး အဖွဲ့များနှင့် ဌာနဆိုင်ရာ များက အရည် အချင်း ကိုက်ညီမှု ရှိမရှိ စစ်ဆေးမည်ဖြစ်သည်။

မတ်လ ၁၁ ရက် (သို့မဟုတ်) မတ်လ ၁၄ ရက် တစ်ရက်ရက် တွင် ဒုသမ္မတ ရွေးချယ်မည်ဖြစ်ပြီး မတ်လ ၁၅ ရက်တွင် ပြည်ထောင်စု လွှတ်တော်သို့ သမ္မတလောင်း သုံးဦး စာရင်း တင်သွင်းမည်ဖြစ်ကာ စိစစ်ရေး အဖွဲ့က ပြန်လည် စိစစ်မည် ဖြစ်သည်။

မတ်လ ၁၇ - ၁၈ တစ်ရက်ရက် တွင် ပြည်ထောင်စု လွှတ်တော် တွင် လျှို့ဝှက် မဲပေးစနစ်ဖြင့် သမ္မတ၊ ဒုသမ္မတ (၁)နှင့် ဒုသမ္မတ (၂) တို့ကို ရွေးချယ်မည်ဖြစ်သည်။ 


မတ်လ ၂၁ ရက် တွင် ဖွဲ့စည်းမည့် ၀န်ကြီးဌာန များကို သမ္မတ က အဆိုပြု  စာရင်း တင်သွင်း ရမည်ဖြစ်ပြီး မတ်လ ၂၂ ရက် တွင် ဆွေးနွေး အတည်ပြုမည် ဖြစ်သည်။

မတ် ၂၃ ရက် တွင် အစိုးရသစ်နှင့် အစိုးရဟောင်း တို့တွေ့ဆုံကြမည်ဖြစ်ပြီး မတ်လ ၂၄ ရက် တွင် ခန့်အပ် မည့် ၀န်ကြီး စာရင်းကို လွှတ်တော်တွင် တင်သွင်းဖြန့်ဝေမည် ဖြစ်ပြီး မတ်လ ၂၅ ရက်တွင် ဆွေးနွေး အတည်ပြုမည်ဖြစ်သည်။

ယင်းနောက် မတ်လ ၂၈ ရက် ၂၉ ရက် တို့တွင် သမ္မတ ၊ ဒုတိယ သမ္မတ တို့ ကတိသစ္စာ ပြုကြမည်ဖြစ်ပြီး ၀န်ကြီးများ၊ ရှေ့နေချုပ်၊ စာရင်းစစ်ချုပ်များပါ ကတိသစ္စာပြုမည်ဖြစ်ကာ မတ်လ ၃၀ ရက်တွင် သမ္မတ တာဝန်နှင့် အစိုးရ ဌာန တာဝန်များ လွှဲပြောင်းပွဲ ပြုလုပ်မည်ဖြစ်သည်။ 

မတ်လ ၃၁ ရက် တွင် ရွေးချယ် တင်မြောက် ခံရသည့် နိုင်ငံတော် သမ္မတ က ပြည်ထောင်စု လွှတ်တော်တွင် မိန့်ခွန်းပြောကြားမည် ဖြစ်ကြောင်း သိရသည်။
 

https://www.facebook.com/News.TheLadies/posts/534473803394260
သတင်း - ဇော်မင်းထွန်း
The Ladies News

No comments:

Post a Comment