သိဟ် ရာသီဖွား

သိဟ် ရာသီဖွား

(ဇူလိုင် ၂၃ ရက် မှ သြဂုတ် ၂၃ ရက် အတွင်း) (မြန်မာလ ၀ါခေါင်လ)

သိဟ် ရာသီသည် နက္ခတ် ရာသီ စက်ဝန်း၏ (၅) ခွင်မြောက် ရာသီဖြစ်၏။ ကောင်းကင်၌ ရှိသော ကြယ်တာရာ တို့တွင် ခြင်္သေ့ တစ်ကောင်၏ ပုံသဏ္ဍာန် စုစည်း တည်ရှိနေသော သင်္ကေတဖြစ်၏။

ဓာတ်သဘာဝ အားဖြင့် မီးဓာတ် ကြီးစိုး၏။ စိုးမိုးဂြိုလ် မှာ တနင်္ဂနွေဖြစ်၏။ (၁) ဂဏန်းနှင့် (၄) ဂဏန်း တို့ အား စွမ်းအားများ သက်ရောက်နေသည်။ လူသားတို့၏နှလုံးအိမ် ကို စိုးမိုးပိုင်ဆိုင်သော ရာသီခွင်ဖြစ်သည်။
နေ့ ရာသီဖြစ်၏။ (ပါပ ကျား) ရာသီဖြစ်၏။ (သတွဂုဏ်) လွှမ်းခြုံ၏။

နှစ်စဉ် ဇူလိုင်လ (၂၃) မှ သြဂုတ်လ (၂၃) ရက် အတွင်း မွေးဖွားသူများကို သိဟ် ရာသီဖွားများ ဟု သတ်မှတ်သည်။ အကယ်၍ ရက်အတိအကျ မသိဘဲ မြန်မာလ (၀ါခေါင်လ) အတွင်းမွေးဖွားသူများသည်လည်း သိဟ်ရာသီဖွားများ ဟု တစ်ထစ်ချ မှတ်ယူကာ အောက်ပါ စရိုက် လက္ခဏာနှင့် ဖြစ်စဉ်တို့ကို လေ့လာ မှတ်သား၍ ဘ၀ တွင် ရှောင်မှု ဆောင်မှုတို့ ပြုနိုင်ပေ၏။

သိဟ် ရာသီဖွား များ၏ ပင်ကိုသဘာဝနှင့် အကျင့်စရိုက် လက္ခဏာ များ

သိဟ် ရာသီဖွားများသည် ဂုဏ်ကျက်သရေ ရှိသူများဖြစ်၏။ အစစ အရာရာ ခေါင်းဆောင်လိုစိတ်ရှိ၏။ အစစ စွန့်ဦး တီထွင်ကြံဆနိုင်သော အစွမ်းသတ္တိနှင့် ပြည့်စုံ၏။ စိတ်အားထက်သန်သူများ ဖြစ်ကြ၏။

မိမိကိုယ်ကို အလွန် အထင်ကြီးတတ်ကြ၏။ မည်သည့် ကိစ္စမဆို လိုသည်ထက် ပို၍ ပြောလို၊ လုပ်လို၊ သုံးစွဲလိုတတ်ကြ၏။ ပညာရှိ သုခမိန်ဖြစ်တတ်၏။ ရဲရင့် ထက်မြက်၏။ ရဲရင့် တည်ကြည်၏။ ယောက်ျား ပီသ၏။ 

သိဟ် ရာသီဖွား အမျိုးသမီးများ သည်လည်း ယောက်ျား ဆန်ဆန် ထက်မြက် တတ်ကြ၏။သစ္စာရှိတတ်ကြ၏။
ကတိသစ္စာ ကို အလွန် တန်ဖိုးထားတတ်ကြ၏။ ထက်မြက်ရုံသာ မက စိတ်ဓာတ်ပြင်းထန်သူများဖြစ်၏။ သူတစ်ပါးက မိမိအား မြောက်စားခြင်း၊ နေရာပေးခြင်း၊ ဆရာတင်ခြင်း၊ ဦးစားပေးခြင်း ဖြစ်လာက အချိန်ကုန်
ငွေကုန် ခံ၍ ကိုယ်ကျိုးစွန့်၍ အားပါးတစ်ရ လုပ်တတ်၏။ 

အမုန်းခံစရာရှိက အမုန်းခံ၍ အားကြိုး မာန်တက် ဆောင်ရွက်ပေးတတ်၏။ ကိုယ့် ကို မြှောက်ပင့်မှန်း သိသိနှင့်ပင် သာယာနေတတ်၏။ ဟန်နှင့် ပန်နှင့် နေတတ်၏။ အသေးအဖွဲ ကိစ္စများကို ငွေမည်မျှ ရပါစေ စိတ်မ၀င်စား။ စမတ်ကျကျနှင့် လူ အထင်ကြီးမည့် ကိစ္စများကို ဆိုလျှင် ငွေရနည်းသည်ဖြစ်စေ လုပ်ကိုင်လို၏။ 

သိဟ် ရာသီဖွားတို့၏ အားနည်းချက်မှာ ဘာပဲလုပ်လုပ် မလိုအပ်ဘဲ အကျယ်ချဲ့ခြင်း၊ အချိန်ဆွဲခြင်း၊ ဇီဇာကြောင်ခြင်း၊ သူတစ်ပါး အကြံ လက်မခံခြင်း၊ သူတစ်ပါး စကား နားထောင် အကြံယူက အောက်ကျသည်၊
သိက္ခာကျသည် ဟု မာန တင်းကာ အကြံကောင်းများ လက်လွတ်ခံခြင်းတို့ပင်ဖြစ်၏။ 

သို့သော် သိဟ် ရာသီဖွား တို့သည် အမြင်ထူးခြား၏။ ဘယ်တော့မှ နောက် မတွန့်တတ်။ လူဖြောင့်စိတ်တိုများဖြစ်၏။ စိတ်မြန်သည်။ အားမနာတတ်။ မခံချင်စိတ် ကြီးမားသဖြင့် ခက်ထန်သည်။ မှန်သည်ထင်က မည်သူ့ကိုမှ သည်းမခံတတ်။ ရာသက်ပန် တစ်ခုတည်းသော ၀ါဒကို စွဲကိုင်ထားတတ်၏။ လူတွင်ကျယ် လုပ်လို၏။ လူရိုသေအောင်လည်း နေတတ်၏။ ထို့အပြင် သူများတစ်ကာနှင့် အမြင် မတူတတ်၏။

ကိုယ် ကိုင်စွဲသော ၀ါဒ အတိုင်း ခံယူလျှောက်လှမ်း တတ်၏။ ငြင်းခုံစရာ ရှိက အခိုင်အခန့်ငြင်းခုံ၏။ ဆန့်ကျင်စရာ ရှိက ရဲရဲ ဆန့်ကျင်၏။ ဥပဒေကိုဖြစ်စေ၊ စည်းကမ်းဘောင်များကိုဖြစ်စေ၊ အသစ်ပြုပြင် ပြောင်းလဲပစ်လိုသူများဖြစ်ကြ၏။ အခွင့်အရေးကိုလည်း မရရအောင် ယူတတ်ကြ၏။ မှန်သည် ထင်က ပြောရဲ၊ လုပ်ရဲသောသတ္တိရှိ၏။ 

သို့သော် သူတစ်ပါးကို ရန်လိုသောစိတ် မရှိ။ ကိုယ့်အပေါ် လျှို့ဝှက်ရန်သူများ ရှိနေတတ်ကြ၏။ စီးပွားရေး ဘက် တွင် အားနည်းတတ်ကြ၏။ စိတ်ထိခိုက်လွယ်၏။ တစ်ယောက်တည်း ကြိတ်ပြီး မွန်းကြပ်နေအောင်
ခံစားရခြင်းမျိုး မကြာခဏကြုံရတတ်၏။ သူတစ်ပါး ကို အားပေးစကား မပြောတတ်သလို ကိုယ်တိုင် ခံစားစရာရှိက ဖြေမဆည်နိုင်အောင် ခံစားချက်ကြီးတတ်၏။ 

ဘ၀တွင် ကျွမ်းကျင်မှုတွေများပြီး ရွေးချယ်ရ ခက်နေသော အနေအထားတို့ များစွာ ကြုံတတ်၏။ ဂမ္ဘီရ ပါရမီ

ရင့်သန်၏။ စည်းကမ်းဘောင် အတွင်း နေမှကောင်း၏။ တစ်ခုခု စည်းဖောက်မိက သူတစ်ပါးထက် အထိနာတတ်၏။ ဥပမာ- ဥပဒေနှင့် မကင်းသော အလုပ်တို့ လုပ်မိက သူများထက် ပိုထိတတ်၏။

တွန်းတိုက်ပြီး ကြိုးစားရချိန်တွင် အားမန် အပြည့် ရှိသလောက် အောင်မြင်သွားချိန်တွင် စိတ်ပျံ့လွင့် ပြီး အပျော် အပါးဘက် လိုက်သွားတတ်၏။ ဘ၀ သက်တာတွင် ငွေကို အားတိုက် ကိုယ်စွမ်း ဉာဏ်စွမ်းနှင့် ကြိုးစား   ပြီးရှာရတတ်၏။ စိတ်သဘောထားကောင်းမွန်ခြင်း၊ အကင်းပါးခြင်း၊ လိမ္မာပါးနပ်စွာ ပြောဆိုပြုလုပ်တတ်ခြင်း၊ စာပေ ဗဟုသုတ အသိဉာဏ်နှင့်ပြည့်စုံခြင်း တို့ကြောင့် ဘ၀ တွင် လူတစ်လုံး သူတစ်လုံးဖြစ်အောင်ကြီးမြင့်တတ်ကြ၏။

သိဟ် ရာသီဖွားများ ၏ အချစ်ရေးနှင့် အိမ်ထောင်ရေး အနေအထားများ

သိဟ် ရာသီဖွားတို့သည် အချစ်ကြီးသူများဖြစ်၏။ ပင်ကိုယ် စိတ်ဓာတ် ရဲရင့်ထက်မြက် သလောက် နှလုံးသားရေးတွင် အရှုံးပေး၍ ချစ်တတ်ကြ၏။ ဘ၀ ကို အချစ်ဖြင့် တည်ဆောက်လိုကြ၏။ မှားသည်ဖြစ်စေ၊ မှန်သည်ဖြစ်စေ ထင်မိထင်ရာတမ်းတမ်းစွဲ ချစ်မိတတ်ကြ၏။ ထို့အတူ ကိုယ် ကိုယ်တိုင်ကလည်း ဆွဲဆောင်မှု ညှို့ငင်အားကောင်း၍ မျက်နှာ ပွင့်တတ်၏။

ချစ်သူပေါတတ်၏။ ကိုယ် ကိုယ်တိုင် တစ်ယောက်တည်း စွဲမြဲစွာ ချစ်ချင်သော်လည်း ရွေးချယ်ရ ခက်လောက်အောင် များလာတတ်၏။ ထို့အတူ ချစ်သူ၏ စွန့်ပစ်ခြင်းကို ခံရတတ်၏။

ဘ၀တွင် သိဟ်ရာသီဖွား အများစုသည် လူပျိုကြီး၊ အပျိုကြီးများ ဖြစ်တတ်ကြ၏။ အိမ်ထောင်ပြုသောအခါ ကိုယ် ကလည်း ကိုယ့်ဝါဒနှင့် အညီသာ ပြုမူနေထိုင်တတ်ကြသဖြင့် အိမ်ထောင်ဖက်နှင့် အမြဲ လိုလို ဆန့်ကျင်ဘက် ဖြစ်နေတတ်၏။ သို့သော် သိဟ် ရာသီဖွားတို့သည် သစ္စာကြီးမားသူများဖြစ်၏။ မိမိ ချစ်သူအပေါ် မိမိ အိမ်ထောင်ဘက် အပေါ် အထူး သစ္စာထားတတ်၏။

သိဟ် ရာသီဖွားတို့သည် မိမိချစ်သူ၊ မိမိ အိမ်ထောင်ဖက် အတွက် စိတ်ချမ်းသာအောင် မည်သို့ဆောင်ရွက်ပေး ရမည်ကို အမြဲ ကြံဆနေတတ်ကြ၏။ သိဟ် ရာသီဖွား တို့သည် အသက် (၂၀) ကျော်မှ အိမ်ထောင်ပြုသင့် ၏။ အိမ်ထောင်ပြုသော အခါ ကလေးဆန်သော အိမ်ထောင်ဖက်နှင့် ဖူးစာ ဆုံတတ်၏။ 

သိဟ် ရာသီဖွား အမျိုးသား၊ အမျိုးသမီး အားလုံး မိဘ စီမံသော အိမ်ထောင်ရေးကို လက်ခံသင့်၏။ ကိုယ့် သဘောနှင့်ကိုယ် ဆုံးဖြတ်က အိမ်ထောင်ရေး သောကကြုံရတတ်၏။ အသက် (၃၀) ၀န်းကျင်ရောက်မှ
အိမ်ထောင်ပြုလေ ကောင်းလေဖြစ်၏။ ထို့အပြင် အရူးအမူး ချစ်တတ်သော စရိုက်ကိုပြသင့်၏။ 

အိမ်ထောင်ဖက် အပေါ်တွင်ဖြစ်စေ၊ ကိုယ့်ချစ်သူ အပေါ်တွင်ဖြစ်စေ ကိုယ့်ဘက်က အမြင် သက်သက်ဖြင့်
သုံးသပ်ခြင်း၊ ဆုံးဖြတ်ခြင်း မပြုဘဲ နားလည်မှုထားပေး က စိတ်ချမ်းသာမှု ရရှိတတ်ကြပေ၏။ 

သိဟ် ရာသီဖွား တို့၏ အလုပ်အကိုင်နှင့် စီးပွားရေး အနေအထားများ

မည်သည့်ကိစ္စမဆို မာန၊ သိက္ခာ မကြည့်ဘဲ အကျိုးရလာဒ်ဖြင့် ချင့်ချိန်ပြီး လုပ်မှ စီးပွားဖြစ်တတ်၏။
သိဟ် ရာသီဖွားတို့သည် အုပ်ချုပ်မှု ဆိုင်ရာ လုပ်ငန်း၊ ပန်းချီ အနုပညာ၊ စစ်သူကြီး၊ စစ်ဘက်၊ တည်ဆောက်ရေး လုပ်ငန်း၊ ဖိနပ်လုပ်ငန်း၊ စိုက်ပျိုးရေး လုပ်ငန်းများဖြင့် အထူးကောင်းကျိုးပေးမည်။

သိလ် ရာသီဖွားများ၏ ကျန်းမာရေး အနေအထားများ

သိဟ် ရာသီဖွားများသည် ကျန်းမာရေးတွင် ရောဂါကြီးများစွာ မဖြစ်တတ်ပါ။ အသေးအဖွဲ မျှသာ ဖြစ်တတ်ပါသည်။ ကျန်းမာ သန်စွမ်းတတ်ကြပါသည်။ သို့သော် မိမိကိုယ် ကို ဟိုရောဂါ ရှိသလိုလို၊ သည်ရောဂါရှိသလိုလိုနှင့် ထင်ယောင်ထင်မှားဖြစ်တတ်ကြ၏။ ထူးထူးဆန်းဆန်း ခံစားရသည်ဟုလည်း သံသယစွဲနှင့် ရောဂါ အမည် တပ်တတ်ကြ၏။ စိတ်ရောဂါတစ်မျိုးဟု သာ ဆိုရပေမည်။

အထူး သတိပြုရန်မှာ ဘယ် အကြောင်းနှင့်မှ စိတ်ဆင်းရဲ မခံကြပါနှင့်။ စိတ်ပင်ပန်းမှုကြောင့် နှလုံးရောဂါနှင့် သွေးတိုးရောဂါ ဖြစ်တတ်လေ၏။ မျက်စေ့ မှုံတတ်ကြ၏။ အသေးအဖွဲ အားဖြင့် ခေါင်းကိုက် ဇက်ကြောတက်၊
အာရုံကြောရောဂါ တို့သာ မကြာခဏဖြစ်တတ်ကြ၏။

အစာအိမ် ခွဲစိတ်ရခြင်းမျိုး ကြုံတတ်၏ ။ ရှောက်သီး၊ သံပုရာသီး၊ လိမ္မော်သီး၊ ကျွဲကောသီး၊ ပျားရည်၊ ပေါင်မုန့်နှင့် ချင်းသုတ် တို့ကို မကြာခဏ စားပေးသင့်၏။ မကြာခဏ အနားယူသင့်၏။ အနားယူပေးရုံဖြင့်ပင် ကျန်းမာတတ်ကြပေ၏။

သဘာဝ ဘေးအန္တရာယ်များ

သိဟ် ရာသီဖွားတို့သည် မီး၊ အပူလောင်၊ လျှပ်စစ်ရှော့ခ်ဖြစ်ခြင်း တို့ကို အထူး သတိထားသင့်၏။ မီးဘေးအန္တရာယ် ကို အစစ ကြိုတင် သတိရှိသင့်၏။ လျှပ်စစ်မီးနှင့် စပ်ယှဉ်သောနေရာတို့တွင် အသေးအဖွဲ မှ စလျှက် သတိပြုသင့်၏။ လျှပ်စစ်လျှော့ဖြစ်တတ်၏။ အထူးသဖြင့် စက်ရုံကြီးများတွင် အလုပ်လုပ်သောသိဟ်ရာသီဖွား တို့သည် ပို၍သတိဖြင့် ဆောင်ရွက်သင့်၏။ ကြိုတင်သတိရှိက ဘာမျှ စိုးရိမ်ရန် မရှိပါချေ။

ဘ၀ ကံကြမ္မာ အနိမ့်အမြင့် အခြေအနေများ

သိဟ်ရာသီဖွား တို့သည် ငွေကြေး ဥစ္စာ မထင်မှတ်ဘဲ ရရှိပြီး ဘ၀ အမြင့်သို့ တက်လှမ်းသွားနိုင်ကြ၏။ အများ အပေါ် ဦးဆောင်နိုင်စွမ်း ရှိကြ၏။ သို့သော် ကိုယ်လုပ်မှ အကောင်းထင်တတ်ခြင်း၊အာဏာပြမိတတ်ခြင်း တို့ကြောင့် ဘ၀ တွင် ထိခိုက်နစ်နာတတ်၏။

အထူးသဖြင့် အသောက်အစားဖက်က ရုတ်တစ်ရက် ပျက်စီးတတ်၏။ မူးယစ်သောက်စားမှုကို အထူးရှောင်ပါလေ။ သိဟ် ရာသီဖွားတို့သည် စာပေ ဗဟုသုတ အသိဉာဏ်ရှိ၏။ မည်သူ့ကိုမှ အောက်မကျို့ဘဲ ရဲရဲ ၀ံ့ဝံ့ လုပ်ကိုင်တတ်၏။ အထက် လူကြီးတို့က အထင်လွဲတတ်၏။

ဘ၀ တွင် ကိုယ့်ဒူး ကိုယ်ချွန်ကြိုးစားပြီးမှ ရုတ်တရက် အခွင့်အလမ်းပေါ်ကာ ငွေကြေး ဥစ္စာ ရတတ်ခြင်းဖြစ် ၏။ အသက် (၂၆) ၀န်းကျင်တွင် ဘ၀ တက်လမ်း ပွင့်၏။ အလှူ    အတန်းပြုနိုင်တတ်၏။ အသက်(၃၁) ၀န်းကျင်တွင် စည်းစိမ် တိုးတက်၏။ 

အသက် (၄၉) ၀န်းကျင်တွင် ဘ၀အောင်မြင်မှုကြီးစွာရတတ်၏။ အသက် (၅၆) ၀န်းကျင်တွင် ကျန်းမာရေး ထိခိုက်တတ်၏။ အသက် (၈၁) ၀န်းကျင်တွင် ကျန်းမာရေး အထူးဂရုပြုပါ။ သိဟ် ရာသီဖွားတို့သည် ရဲဝံ့ စွန့်စားသူများဖြစ်၏။ နိုင်ငံရပ်ခြားသို့ သွားရတတ်၏။

သူတစ်ပါး အတွက် ကြားမှ အနစ်နာခံ မိ၍ ဘ၀ တွင် ထိခိုက် နစ်နာတတ်၏။ ရရှိသော အောင်မြင်မှုနှင့်ပစ္စည်း ဥစ္စာတို့ကို တန်ကြေး မထားတတ်၍ နစ်နာတတ်၏။ 

ဘ၀ တိုးတက်အောင်မြင်စေရန် ဆောင်ရန်၊ ရှောင်ရန်များ 

အရက်သေစာနှင့် စီးကရက်ကို အထူးရှောင်ပါ။ 

သူတစ်ပါး အိမ်ယာ ကို အထူးရှောင်ပါ။ 

အပျော်အပါးလျှော့ပါ။ ၎င်း သုံးချက်ကိုသာ အဓိက ဆင်ခြင်ပါ။ စည်းကမ်း ကြီးခြင်း၊ သန့်သန့် ခန့်ခန့် နေတတ်ခြင်း၊ စနစ်တစ်ကျ လုပ်တတ်ခြင်းတို့ကြောင့် ဘ၀တွင် အောင်မြင်မည်။

စိတ်ထက်ခြင်း၊ စိတ်ခိုင်ခြင်း၊ ၀ီရိယကြီးခြင်း တို့က အောင်မြင်မှုကို ပံ့ပိုးပေးလိမ့်မည်။ ရဲရဲတောက် ကျောက်အနီ ကို လက်စွပ် ကွင်း၍ ၀တ်ထားပါ။ ရန်အားလုံးကို အောင်နိုင်ပါအံ့။ ရွှေလက်စွပ် ကို တစ်သစ်စ နေ၀န်းပုံသဏ္ဍာန် ပုံဖော်၍ ဆောင်ထားပါ။ ၀တ်ထားပါ။ လက်ျာဘက် လက်ခလယ်တွင် ၀တ်ထားပါ။

သိဟ် ရာသီဖွား တို့၏ အိမ်ခန်း၊ အလုပ်ခန်း တွင် တက်သစ်စ နေ၀န်းပုံ ပန်းချီကား ချိတ်ဆွဲထားပါ။ ထို့ပြင် အ၀ါရောင်၊ လိမ္မော်ရောင်၊ နံ့သာရောင် တို့ အထူးဆောင်ပါ။ အနက်၊ အညို  အထူးရှောင်ပါလေ။

သိဟ် ရာသီဖွားတို့ အမြဲ သန့်သန့် ခန့်ခန့်နေပေးပါ။ မာန မကြီးဘဲ သူတစ်ပါး အကြံဉာဏ် လက်ခံပေးခြင်းအားဖြင့် အကျိုးထူးတတ်ပေသည်။ ထို့အပြင် သူတစ်ပါးကိစ္စကြားဝင်ခြင်းကို ရှောင်ပါ။ တစ်ဇွတ်ထိုးလုပ်ခြင်းကို ရှောင်ပါ။ 

နှစ်စဉ် ဧပြီလနှင့် သြဂုတ်လ တို့တွင် အဆိုးဝါးဆုံး အခိုက်အညံ့ ကြုံတတ်သလို အကောင်းဆုံး အနေအထားများပါ ကြုံတတ်၍ အစစ သတိဖြင့်လုပ်ပါ။ နှစ်စဉ် မတ်လ တွင် အရေးတစ်ကြီး ကိစ္စများ မဆောင်ရွက်သင့်ပါ။ မည်သည့် ကိစ္စမဆို ရတနာသုံးပါး ဦးထိပ် ပန်ဆင်၍ ဆောင်ရွက်မှ ထူးခြားစွာ အောင်မြင်မှု ရရှိတတ်ပေသတည်း။

Tin Maung Hlaing

မိမိ နှင့် သက်ဆိုင်သော  Link တွင် ၀င်ရောက် ဖတ်ရှုနိုင်ပါသည် ။ 

မတ်လ ၂၁ ရက် မှ ဧပြီလ ၂၀ ရက် အတွင်းမွေးဖွား သူများ (မြန်မာလ-တန်ခူးလ တွင် မွေးဖွားသူများ)

ဧပြီ (၂၁) ရက်မှ မေ (၂၁) ရက် { ကဆုန်လ } အတွင်းမွေးဖွားသူများ သည်လည်း ပြိဿ     ရာသီဖွားများ  

မြန်မာ လ နယုန်လ တွင်မွေးဖွားသူများ (နှစ်စဉ် မေလ (၂၂)ရက်မှ ဇွန်လ (၂၁) ရက် အတွင်းမွေးဖွားသူများ)

ဝါဆို လဖွားများ (နှစ်စဉ် ဇွန် ၂၂ မှ ဇူလိုင် ၂၂ )

ဇူလိုင် ၂၃ ရက် မှ သြဂုတ် ၂၃ ရက် အတွင်း (မြန်မာလ ၀ါခေါင်လ)

သြဂုတ် ၂၄ ရက် မှ စက်တင်ဘာ ၂၂ ရက် အတွင်း မွေးဖွားသူများ (တော်သလင်းလ ဖွားများ)

စက်တင်ဘာ ၂၃ ရက် မှ အောက်တိုဘာ ၂၃ ရက် (သီတင်းကျွတ်လ)

အောက်တိုဘာ လ ၂၄ မှ နိုဝင်ဘာလ ၂၂ ရက် အတွင်း (တန်ဆောင်မုန်းလ)

နိုဝင်ဘာ (၂၃) မှ ဒီဇင်ဘာ (၂၁) ( နတ်တော်လ )

ဒီဇင်ဘာ ၂၂ မှ ဇန်န၀ါရီ ၂၀ အတွင်း၊ ( ပြာသိုလ ) 

(နှစ်စဉ် ဇန်န၀ါရီလ ၂၁ မှ ဖေဖော်ဝါရီ ၁၈ အတွင်း၊ တပို့တွဲလ ဖွားများ )

(ဖေဖော်ဝါရီ ၁၉ မှ မတ်လ ရက်၂၀ အတွင်း၊ တပေါင်းလ)