ကျွန်ုပ်သည် ပုသိမ်မြို့ မြန်မာ-ကရင် အင်္ဂလိပ်ကျောင်းတွင် ၉ တန်း လား၊ ၁၀ တန်း လား မမှတ်မိ၊ စာသင်နေစဉ် စာမေးပွဲပြီး၍ မိမိနေရပ် ဟင်္သာတနယ်၊ နိဗ္ဗာန်ရွာ သို့ မီးရထားစီး၍ ပြန်ခဲ့သည်။
ရထားပေါ်တွင် ရထားစီး များစွာ ပါ၏။ ကျွန်ုပ်သည်
ကျွန်ုပ် ၏ ရှေ့တန်း မျက်နှာချင်းဆိုင်လောက်တွင်
လယ်ထွန် အကျီင်္ဆိုသည်ကား ဖျင်ကြမ်းကြမ်း၊ ရင်စေ့ပုံ၊ လက်ကျပ် အိတ်နှစ်လုံးတပ်၊ ရှေ့က ကနုကမာ ကြယ်သီးမျိုး သုံးလုံးမျှ ပါ၏။ သို့ရာတွင် ကြယ်သီး တပ်မထားချေ။ ရင်ဘတ် အဟောင်းသားနှင့် ဖြစ်၏။ ပုဆိုးမှာကား ချည်လုံချည် အကြမ်း စား အနွမ်းပင် ဖြစ်၏။
ထူးခြားသော အချက်ကား ထိုသူ၏ လက်ဝဲဘက် လက်ကောက်ဝတ် တွင် အတန် အလုံးကြီးသော မဲကြိုးချည် ပတ်ထားသည်ကို တွေ့ရ၏။ ငါတော့ စီးစီးနင်းနင်း စကားပြောရမယ့် လူကို တွေ့ပြီဟု စကားစလိုက်ပုံကား..........
“ဒီမှာ ဆရာကြီး၊ ခင်ဗျာ့း လက်ထဲက မဲကြိုးက ဘာလုပ်တာလဲဗျာ့”
“သြော် ဒီမဲကြိုးလား၊ ဟို ကျုပ်တို့ ရွာဦးကျောင်း ဘုန်းကြီး ရဲ့ အိပ်မက် အရ ချည်ထားရတာဗျ” ဟု ပြုံးရယ်၍ ပြောသည်။
“သြော် အိပ်မက် အရလား၊ ပြောပါဦးဗျာ၊ ခင်ဗျာ့ ဘုန်းကြီး အိပ်မက်က”
“ဒီလို ဒီလို၊ နောက်လ က ကျုပ်တို့ ဘုန်းကြီး အိပ်မက်ထဲမှာ ၀တ်ဖြူစင်ကြယ် နဲ့ သိကြား လိုလို ဘာလိုလို ဆို ထင်ပါရဲ့ဗျာ။ အဲဒါ ဘုန်းကြီးဆီကို လာသတဲ့။
အောင်မယ်၊ ဘုန်းကြီးရှေ့မှာ ထိုင်တောင် မထိုင်ဘူး။ မတ်တတ်ကြီး ရပ်နေဆိုပဲဗျ။ သူ့ဟာက၊ အဲဒါနဲ့ ဘုန်းကြီးက မေးတော့ အဲဒီ အ၀တ်ဖြူ နဲ့ သိကြားလို လူ က ပြောသတဲ့၊ အရှင်ဘုရား ရဲ့ နယ်ပယ်က ဒကာ၊ ဒကာမတွေကို အခုက စပြီး အနည်းဆုံး သရဏဂုံ သုံးပါး တည်ပါစေတဲ့။ ဘာပြုလို့လဲဆိုတော့ ရှေ့လ က ဆုန် လပြည့်နေ့ကျရင် ဘီလူး သဘက် တစ်ထောင် တိတိ ကျုပ်တို့ နယ်ကို ၀င်လိမ့်မယ်တဲ့။
ဝင်ပြီးတော့ သရဏဂုံ မတည်တဲ့ လူတွေကို အူ အသည်း နုတ်စားလိမ့်မတဲ့။ သရဏဂုံ တည်တဲ့ လူကိုသာ လွှတ်မတဲ့။ ဒီတော့ သရဏဂုံ တည်တဲ့ လူမှန်းသိအောင် ဘယ်ဘက် လက်မှာ မဲကြိုးချည်ပြီး မှတ်ထားရမတဲ့။ အဲဒီလို ဘုန်းကြီးက လူတွေကို သတိပေးဖို့ လျှောက်ပြီး ကွယ်သွားရောတဲ့ဗျ။
အဲဒါ မိုးလင်းတော့ ကုလားတက်ခေါက်ပြီး လူတွေကို ခေါ်ပြီး ဘုန်းကြီးက ပြောဟော လို့ မဲကြိုး ချည်ကြရတာဗျ။ မချည်တဲ့ လူတွေ အဲဟိုရှေ့လ ကဆုန်လပေါ့ဗျာ။ အဲဒီ ကဆုန် လပြည့်နေ့ညမှာ ဘီလူး သဘက်တွေက အူ အသည်း နုတ်စားကြမှာ၊ အဲဒါ ကျုပ်လည်း ချည်ထားရတာပေါ့” ဟု အားရပါးရ ပြောပြီး ဘေးကပ် အိတ်ထဲမှ ဆေးရွက်ခေါက် ကို ထုတ်၍ ပလုတ်ပလောင်း ဆေးငုံလိုက်လေသည်။
ထိုအခါ စကားအလွန်ပြောချင်၍ နှုတ်ရွနေသော ကျွန်ုပ်သည် ဒီလူတော့ ငါ “ချွတ်” လိုက်ရဦးမယ် ဟု ခပ်ထွားထွား တရားဟောပုံကား.............
“ဒီမှာ ဆရာကြီး၊ ခင်ဗျားတို့ တောက ဆင်းရဲသားတွေ အဲဒါ ခက်တာပဲ။ သရဏဂုံတည်ခြင်း မတည်ခြင်းဟာ မဲကြိုး နဲ့ ဘာမှ ဆိုင်တာ မဟုတ်ဘူးဗျ။ ပိဋကတ် သုံးပုံ မှာ ဘယ်ကျမ်းမှာမှ အဲဒီလို မဟောဘူးဗျ၊ ခင်ဗျားတို့ ဘုန်းကြီးကလည်း ဒီသရဏဂုံ နဲ့ မဲကြိုး နဲ့ မဆိုင်တာကိုမှ မသိဘူးလားဗျာ။ တယ်ခက်တာကိုး။
ဒီမှာလေ သရဏဂုံ ဆိုတာက အတွင်းစိတ်ဓာတ် နဲ့ ဆိုင်တယ်ဗျ။ ရတနာသုံးပါးကို ကြည်ညိုတယ် ဆိုတာ ယုံကြည်တယ် ဆိုတာ စိတ်ကမှ ဖြစ်တာဗျ။ ဒီအပေါ်ယံ က မဲကြိုး နဲ့ ဘယ့်နှယ် ဆိုင်နိုင်မလဲ” ဆို၍ သရဏဂုံ ကိစ္စနှင့် အနည်းငယ်သာ ဆိုင်သော ပါဠိအတို အစ အနည်းငယ် ကို ကပေါက်ချိ ကပေါက်ချာနှင့် ရွတ်ပြပြီး ကိုယ်လိုရာဘက် ကို များများကြီး ဆွဲ၍ ဟောပြောလိုက်လေသည်။
မဲကြိုးနှင့် ခမျာမှာ ပါးစပ် အဟောင်းသားနှင့် နားထောင်နေ၍ ဘာမျှ ပြန်မပြောနိုင်ရှာချေ။ အသို့ ပြောနိုင်ရှာအံ့နည်း။ ခမျာမှာ လုပ်စား ကိုင်စား ဆင်းရဲသား တောတွင်းကြီးပြင်း၍ ပညာ ဗဟုသုတ များစွာ ရှိနိုင်မည် မဟုတ်ချေ။ မိမိတို့ တောရွာဓလေ့ အတိုင်း ဆရာ ဘုန်းကြီး ပြောသမျှ ဆုံးမ သမျှကို တစ်သဝေမတိမ်း လိုက်နာလျှင် သူတို့မှာ ကိစ္စပြီးပြီဟု မှတ်ထင်ကြလေသည်။
ဤသို့လျှင် ကျွန်ုပ်အား ခုခံပြောနိုင်သူ မပေါ်ပေါက်သဖြင့် “ဒီတွဲမှာ ငါတော့ ဗိုလ်ပဲ။ ငါအတော် တော်တာပဲ” ဟု အထင်ကြီးနေစဉ် ကျွန်ုပ်နှင့် နှစ်ယောက်ခြား ထိုင်နေသော ယောကျာ်း တစ်ယောက်က ကျွန်ုပ်သို့ လှမ်း၍ “ဟေ့ သူငယ်၊ ဒီမှာ” ဟု စကားစလိုက်သည်။
ထိုသူမှာ အသက် ၄၀ ခန့် ရှိသည်။ မြို့ကြီးသား ကား ဟုတ်မည် မထင်၊ သို့ရာတွင် တည်ကြည်သော မျက်နှာ၊ စူးရှသော မျက်လုံးများ ရှိ၏။
ထိုသူက “ဟေ့ သူငယ် ဒီမှာ၊ အခု မောင်ပြောတဲ့ မဲကြိုး နဲ့ စပ်လို့ ကျုပ် ခပ်တိုတိုပဲ ပြောစရာ ရှိတယ်”
“ဟုတ်ကဲ့ ခင်ဗျား၊ ကြားပါရစေ” ဟု ကျွန်ုပ်က အံ့သြသော မျက်နှာနှင့် ပြောသည်။
“ဒီလို မှတ်ပါ မောင်ရယ်၊ ဒီမဲကြိုးဟာ မောင့် အတွက် မလိုသော်လည်း သူ့ အတွက် လိုတယ်၊ အဲဒီ စကား ကို ပထမ စွဲစွဲမြဲမြဲ မှတ်ထား၊ ကိုင်း နည်းနည်းတော့ ချဲ့ပြောရသေးတာပေါ့”
သရဏဂုံ တည်မှုဟာ စိတ်ထား သာလျှင် အရေးကြီးကြောင်း မောင်ပြောတာ မှန် တယ်။ မောင်ကလည်း မဲကြိုး မပါဘဲနဲ့ သရဏဂုံ တည်နိုင်ကြောင်း ယုံကြည်တယ်။ ဒါကြောင့် မောင့် အတွက်တော့ မဲကြိုး မလိုဘူး။
ဟိုလူမှာတော့ မောင့်လို သိထားနှင့်ခြင်း၊ ယုံကြည်နှင့်ခြင်း မရှိဘူး။ ဆရာ ဘုန်း ကြီးကိုသာ ယုံကြည်အားကိုးနေသူ ဖြစ်တယ်။ ဒီတော့ ဆရာ ဘုန်းကြီးက ပြောတဲ့အတိုင်း မဲကြိုးရှိမှ သရဏဂုံ တည်ပြီး ဘီလူးတွေ လာမစားနိုင်ဘူးလို့ သူ့မှာ ယုံကြည်နေတယ်။ ပြီးတော့ အဲဒီ မဲကြိုးမရှိရင် ဘီလူးစားခံရတော့မယ်လို့လည်း
အကယ်၍ မဲကြိုး ချည်မထားရင် ဟို ကဆုန်လပြည့်နေ့ည မှာ ဘီလူး လာစား လိမ့်မယ် လို့ သူ စိတ်တထင့်ထင့် ဖြစ်နေမှာပေါ့။ အဲဟို ညမှာ အိပ်ပျော်မယ်တောင် မဟုတ်ဘူး။ စိတ်က စွဲနေတော့ ချွတ်ချွတ်သံ ကြားသည် ဖြစ်စေ၊ အရိပ်မည်းမည်း မြင်သည် ဖြစ်စေ၊ ခြင်ထောင်ကို လေတိုးလို့ လှုပ်သည် ဖြစ်စေ၊ ကြွက်တိုးမိလို့ ဖြစ်စေ၊ ဘီလူး သဘက်ပဲဟု စိတ်က ထင်မြင်ပြီး လန့်ကြောက်ပြီး သေချင် သေမယ်။
ဥပါဒါန်ကြောင့် ဥပဒ်ရောက်ဆို မဟုတ်လား မောင်ရဲ့၊ အဲဒါကြောင့် သူ့စိတ်လုံမှာ ဖြစ်လို့ သူ့ အတွက်တော့ မဲကြိုး လိုတယ်လို့ မှတ်ရမယ်။ မောင့် အတွက်တော့ မလိုပါဘူး၊ မဟုတ်လား မောင်ရယ်” ဟု ပြောဆို၍ တစ်သတ်နားလေသည်။
မဲကြိုးနှင့် ခမျာ ၏ ၀ဋ် ကျွန်ုပ်သို့ လည်လေပြီ၊ ထိုလူကြီး ပြောဟောသည်ကို ကျွန်ုပ် ဘာမှ ပြန်မပြောနိုင်၊ ပြောစရာလည်း မရှိ၊ မှန်ကြောင်း ၀န်ခံရုံသာ ရှိတော့သည်။ သူ၏ ပြောချက်မှန်ပေသည်ဟု မိမိ၏ ပရမတ် ဆန်ဆန် အယူကို အတန်ငယ် ဖြေကာ “ဦးခင်ဗျား၊ ဦးပြောတာ မှန်ပေတယ်။ ကျွန်တော် မှတ်သားရတဲ့အတွက် ကျေးဇူးတင်ပါတယ်။ ကျေးဇူးကိုလည်း ဘယ်တော့မှ မမေ့ပါဘူး ခင်ဗျား” ဟု ပြောရပေသည်။
ကျွန်ုပ်သည် လောက လူ တို့၏ အကြောင်းကို အတန်ပင် ပိုမို နားလည်သွားပါသည်။ ထိုနေ့သည် “ငါ အလိမ္မာတိုးသော နေ့တစ်နေ့” ဟု ကျွန်ုပ် မှတ်သားထားလိုက်ပါ၏။
ယနေ့ အထိ အနှစ် ၂၀ ကျော်ပြီ၊ ထို ဆုံးမဟောပြောပေးသော ဆရာ ၏ ဂုဏ်ကျေးဇူး ကို မပြတ်လိုပင် သတိရလျက် ရှိပါ၏။
#ဦးဖိုးကျား
Credit to K & W
No comments:
Post a Comment