ကိုယ်ပိုင် စီးပွားရေး လုပ်ဖို့ ဆုံးဖြတ်လိုက်ခြင်းဟာ ကောင်းမွန်တယ် လို့ ဆိုနိုင်ပေမယ့် စိတ်ဖိစီးမှုများစွာလဲ ကြုံတွေ့လာနိုင်ပါတယ်။
ကိုယ်ပိုင် လုပ်ငန်းတစ်ခု စတင်ဖို့ နည်းလမ်းပေါင်းစုံ ရှိတဲ့ အနက် အခြေခံ အကျဆုံး လိုအပ်ချက်တွေကို ဖော်ပြပေးချင်ပါတယ် ။
၁။ Idea တစ်ခု ရှိထားရပါမယ်။
သေချာပါတယ်။ ကိုယ်ပိုင် စီးပွားရေး လုပ်မယ့် လူတစ်ယောက်အတွက် အနည်းဆုံး ခေါင်းထဲမှာ Idea တစ်ခုတော့ ရှိထားရပါမယ်။ လုပ်ငန်း အတွက် လိုအပ်ချက်တွေ ကြိုတင် သိရှိနိုင်ဖို့ အလုပ်နဲ့ ဆိုင်တဲ့ Idea တွေ ရှိကို ရှိထားရပါမယ်။
၂။ ဖြစ်နိုင်ရဲ့လား ဆိုတာ သေချာစဉ်းစားပါ။
ကိုယ် စဉ်းစားလိုက်တဲ့ Idea က တစ်ကယ့် လက်တွေ့မှာ အလုပ်ဖြစ်ပါ့ မလား ဆိုတာ သေချာဆုံးဖြတ်ပါ။ လုပ်ငန်းတစ်ခု မစတင်ခင်မှာ ကိုယ့်ဘက်က သေချာနေဖို့ လိုပါတယ်။
၃။ ထူးခြားမှု ရှိပါစေ။
မှန်ပါတယ်။ သင့် လုပ်ငန်းက အခြားသူတွေထက် တစ်ခုခု ထူးခြားကောင်းမွန်နေမှ အောင်မြင်မှာပါ။ ပြိုင်ဖက် လုပ်ငန်းတွေထက် ပိုမိုအောင်မြင်ချင်ရင် Idea တွေက ထူးခြားနေရပါမယ်။
၎။ Business Plan တစ်ခု ပြုလုပ်ပါ။
လုပ်ငန်း စတင်ဖို့ ကုန်ကျမယ့် ငွေကြေး ပမာဏကို ကြိုတင်တွက်ချက်ပါ။ ထုတ် လုပ် စရိတ်၊ ပို့ဆောင် စရိတ်၊ အခွန်အခ ၊ အလုပ်သမားခ နဲ့ အလုပ်နေရာ ငှားရမ်းခ အစရှိတဲ့ အချက်တွေ ပါဝင်မှာဖြစ်ပါတယ်။ ရင်းနှီးမြုပ်နှံသူတွေကို ဖိတ်ခေါ်ဖို့နဲ့ ၊ အမြတ်ငွေ ကြိုတင် တွက်ချက်နိုင်ဖို့ အတွက် ကုန်ကျ စား ရိတ်ကို သေချာ သိရှိထားဖို့ လိုအပ်ပါတယ်။
ဈေးကွက် အလားအလာကို သေချာဆုံးဖြတ်ပါ။ သင့် ဝန်ဆောင်မှုကို လို လား တဲ့ဈေးကွက် အရမ်းနည်းနေတယ် ဆိုရင် သင့် Idea ကို ပြန်လည် စဉ်း စား သင့်ပါပြီ။
အခက်အခဲ၊ အဟန့်အတားတွေကို သေချာသိအောင်လုပ်ပါ။ ကြုံတွေ့လာတဲ့ ပြသနာတွေကို ဖြေရှင်းဖို့အတွက် သင့်မှာ Plan တွေ ရှိထားသင့်ပါ တယ်။
၅။ Marketing Plan တစ်ခု ဖန်တီးပါ။
လုပ်ငန်းရဲ့ ဘက်ဂျက်ကို သေချာသိအောင် လုပ်ပါ။ လုပ်ငန်း ကြော်ငြာဖို့ အတွက် Marketing ပိုင်းမှာ ငွေဘယ်လောက်ထိ သုံးမယ် ဆိုတာ ကြိုတင် သက်မှတ်ထားသင့်ပါတယ်။
ဘက်ဂျက်နဲ့ ကိုက်ညီတဲ့ Idea ကိုသာ အကောင် အထည်ဖော်ပါ။ လုပ်ငန်းရဲ့ ဘက်ဂျက် အရ Marketing ပိုင်းမှာ ငွေကြေး အလွန်အကျွံ အသုံးမပြု သင့်ပါဘူး။ အခုချိန်မှာ Social Media တွေကို အသုံးပြုပြီး ငွေကြေးနည်း နည်း နဲ့ ထိရောက်မှုရှိအောင် ကြော်ငြာသင့်ပါတယ်။
ဘယ်အချိန်၊ ဘယ်နေရာမှာ ကြော်ငြာမယ် ဆိုတာ သေချာဆုံးဖြတ်ပါ။ ကိုယ် Target ထားတဲ့ နေရာကို ထိထိရောက်ရောက် ကြော်ငြာနိုင်ဖို့ ဆိုရင် လုပ်ငန်း နဲ့ ကိုက်ညီတဲ့ အချိန်တွေ နေရာတွေကို ကြိုတင်တွေးထားသင့် ပါတယ်။
၆။ ငွေကြေးရှာဖွေပါ။
လုပ်ငန်းဆက်လက် လည်ပတ်နိုင်ဖို့အတွက် ငွေကြေး အရင်းအနှီး ရှာဖွေဖို့ လိုပါတယ်။ ဘဏ်ချေးငွေ ရယူခြင်း၊ ရင်းနှီးမြုပ်နှံမယ့်သူတွေ ရှာဖွေခြင်းနဲ့ အပေါင်းအသင်း ဆွေမျိုးတွေကို အကူအညီတောင်းခြင်းတွေက တစ်ဆင့် လိုအပ်တဲ့ ငွေကြေးကို ရှာဖွေနိုင်ပါတယ်။
၇။ Infrastructure တည်ဆောက်ပါ။
ရုံးခန်း တစ်ခု ဖန်တီးပါ။ လုပ်ငန်းလုပ်ကိုင်ပြီ ဆိုရင် ရုံးခန်း တစ်ခုတော့ လိုအပ်လာပါပြီ။ ဘက်ဂျက်အပေါ် မူတည်ပြီး တိကျတဲ့ နေရာလေး တစ်ခုမှာ ရုံးခန်းဖွင့်သင့်ပါတယ်။ နေရာ အရမ်းကျဉ်းသည်ဖြစ်စေ၊ ဝန်ထမ်း မခန့်နိုင် သည်ဖြစ်စေ အရေးမကြီးပါဘူး။ အဓိက က သင့်လုပ်ငန်း အတွက် ရုံးခန်းအတည်တစ်ကျ ရှိဖို့ပဲ လိုတာပါ။
လုပ်ငန်း အတွက် လိုအပ်တဲ့ ပစ္စည်းတွေ ဝယ်ပါ။ စက်ပစ္စည်း၊ Laptop ၊ တယ် လီဖုန်းနဲ့ အခြား လုပ်ငန်းနဲ့ ဆက်စပ်တဲ့ ပစ္စည်းတွေ ပါဝင်မှာ ဖြစ်ပါ တယ်။ ပစ္စည်းက အရမ်းဈေးကြီးနေရင် ငှားရမ်း သုံးစွဲတဲ့ နည်းလမ်း နဲ့ ဖြေ ရှင်းသင့်ပါတယ်။ တစ်ပတ်ရစ် ပစ္စည်းတွေကိုလဲ ရှာဖွေဝယ်ယူနိုင်ပါတယ်။
နေ့စဉ်မှတ်တမ်းတွေ ထားရှိပါ။ လုပ်ငန်းကို အဆင်ပြေပြေ လည်ပတ်နိုင်ဖို့ နေ့စဉ် မှတ်တမ်းတွေ ပြုလုပ်ထားသင့်ပါတယ်။ ဖိုင်တွေ နဲ့ မှတ်သားထားနိုင်သလို Software အကူအညီနဲ့ digital records တွေ ဖန်တီးပြီး မှတ်သားထားနိုင်ပါသေးတယ်။
၈။ အမာခံ ဖောက်သည်တွေ ရှာဖွေပါ။
လုပ်ငန်းတစ်ခုအတွက် အရေးကြီးဆုံးက Customer တွေပါပဲ။ လုပ်ငန်းအစမှာ ဂွမ်းမသွားဖို့ လိုပါတယ်။ ဒါကြောင့် ဖန်တီးမှုကောင်းတဲ့ ကြော်ငြာတွေနဲ့ Customer တွေကို ဆွဲဆောင်ပါ။
ဝန်ဆောင်မှုကောင်းကောင်းပေးနိုင်အောင် ကြိုးစားပါ။ ဝေဖန်မှုတွေကို လက် ခံပြီး၊ အားနည်းချက်တွေကို အမြန်ဆုံးပြင်ဆင်ပါ။ Customer Service ကောင်းကောင်းပေးနိုင်အောင် သေချာလေ့ကျင့်ထားပါ။
လုပ်ငန်း အတွက် ဝက်ဆိုက် တစ်ခု ဖန်တီးပါ။ အခုချိန်ဟာ အင်တာနက်ခေတ် ဖြစ်နေတဲ့အတွက် ဝက်ဆိုက် တစ်ခုတော့ ရှိထားသင့်ပါပြီ။ ဝက်ဆိုက် မှာ ဝန်ဆောင်မှု ကောင်းကောင်းပေးရင်း သင့် လုပ်ငန်းကို အင်တာနက်မှတစ်ဆင့် တိုးချဲ့သွားသင့်ပါတယ်။
ကိုယ်ပိုင် လုပ်ငန်းတစ်ခု စတင် ထူထောင်လိုသူတွေ အတွက် အခုဖော်ပြခဲ့တဲ့ အချက်တွေက အထောက်အကူဖြစ်မယ်လို့ မျှော်လင့်ပါတယ်။
Linn Linn Maung (Prospect Myanmar)
#linnlinnmaung
Ref: Wikihow
Prospect Myanmar
Ref: Wikihow
Prospect Myanmar
No comments:
Post a Comment