Thursday, March 16, 2017

မြန်မာစာ ဆင်းရဲကြပုံများ



ကိုလိုနီခေတ်က မြန်မာ အချို့ဟာ သူတို့ မြန်မာစာ ညံ့ပါ တယ် ဆိုတာကိုပဲ အသားယူစရာလို့ အောက်မေ့ပြီး
"ကိုယ်တို့ ကတော့ မြန်မာစာ ဆင်းရဲတယ်" လို့ ကြွေး ကြော်လေ့ ရှိကြတယ်။ မြန်မာစာ ဆင်းရဲတယ် ဆိုတော့ အင်္ဂလိပ်စာတော့ ချမ်းသာ သလိုလို။ 

တစ်ကယ်က သေသေချာချာ ဆန်းစစ်ကြည့်ရင် သူပြောနေတဲ့ အင်္ဂလိပ် စကားကလည်း ဘိုကြက်ချေး အင်းဂလစ်၊ ဖွတ်ကျား အင်္ဂလိပ်စကား။ ကနေ့ လွတ်လပ်တဲ့ မြန်မာနိုင်ငံမှာ တော့ ဒီလို အခြောက်တိုက် လေလုံးထွားတတ်သူ မရှိသလောက် ရှားသွားပါပြီ။ 

ဒါပေမယ့် ပါးစပ် က မြန်မာစာ ညံ့ပါတယ်လို့ ထုတ်မပြောပေမယ့် လက်တွေ့ ညံ့ပြနေသူတွေ ကတော့ ရှိနေတယ်။ ရှိသမှ ရိုးရိုး သာမန် အရပ်သားထဲမှာ မဟုတ်၊ အနုပညာ စာပေနယ်ထဲ မှာ ၀င်ဆန့်နေပြီး မြန်မာစာညံ့ပြနေတာ။ 

အဓိက ဆက်သွယ်ရေးမဏ္ဍိုင် အဖြစ် မြန်မာစာ၊ မြန်မာစကား သုံးနေသူ ဖြစ်ပါလျက် မြန်မာစာ ဟုတ္တိပတ္တိ  မတတ်တာ။
တေးဂီတသမား ဆိုတာ ဘာသာစကားကို သုံးရသူပဲ ဖြစ်တယ်။ ခေတ်ပေါ် ဘာသာစကား ကို သူလို ငါလိုပြောတတ်၊ ရေးတတ်တဲ့ အပြင်၊ အနုပညာသမား ဆိုမှတော့ ဂန္ထ၀င် စာပေကိုလည်း အထိုက်အလျောက် ကျွမ်းဝင်ဖို့ လိုပေလိမ့်မယ်။ 

သီချင်းကြီး၊ သီချင်းခန့် ဆိုတာတွေကို လေ့လာဖူးကာ ပျို့၊ ရတု၊ ဂန္ထ၀င် ကဗျာများ ကိုလည်း ထဲထဲ ၀င်ဝင် ရှိသင့်တယ်။ အခုတော့ ရှေးဟောင်း ဂန္ထ၀င် ဆိုတာ မပြောနဲ့ ၊ လွန်ခဲ့တဲ့ အနှစ် ၃-၄၀ က ကာလပေါ်တေး ကိုတောင် နားဝေးနေသူတွေ တွေ့နေရတယ်။
နန်းတော်ရှေ့ ဆရာတင်ဆိုတာ ခေတ်ဟောင်း တေးရေး ဆရာများထဲမှာ အရပ်သုံး ခေတ်ပေါ် စကား ကို အ
လွယ် ဆုံး သုံးနှုန်းရေးဖွဲ့တတ်သူပါ။ ဒါတောင် သူ့ရဲ့ "လက်ရေတစ်ပြင်တည်း" ကို ရွှေဥာဏ်တော် စူးပြီး
"လက်ရေ တစ်ပြင်စီး" ရယ် လို့ လုပ်လိုသူ ပေါ်ခဲ့ဖူးသေးတယ်။

 ဒေါင်းလန်းကြီး နဲ့ စားကြတယ် ဆိုတော့ ထမင်း ကို နှိုက်တဲ့ လက် အသီးသီးက ဟင်းရည်တွေဟာ
တစ်ပြင်တည်း စီးဆင်းနေတယ်ပေါ့လေ။ နောက်မှ ဒီလိုမဟုတ်ရပါဘူး။ "လက်ရည် တစ်ပြင်တည်း" ဆို
တာ "တစ်စိတ်တည်း တစ်ဝမ်းတည်း" လို့ ဆိုလိုတာ ဖြစ်တယ်လို့ ၀ိုင်းရေးကြ ထောက်ပြတော့မှ "လက်
ရည်တစ်ပြင်တည်း" ဖြစ်လာတော့တာ။ 

ဒါတောင် "မင်းဂံဘုတ်" သီချင်းထဲက တောသူမလေး ခေါင်းပေါ်တင်လိုက်တာဟာ "ရှန် တဘက်" မဟုတ်ပါဘူး။ "ရှာတဘက်" ပါလို့ အဲဒီခေတ်ကို ကောင်းကောင်းမီလိုက်သူ လူထုဒေါ်အမာ က ရှင်းပြပေမယ့် ခု ထက်ထိ ဒီသီချင်း ဆိုသူတိုင်းက " ရှန်တဘက်" နေတုန်းပဲ။
မြို့မငြိမ်း ကျတော့ နန်းတော်ရှေ့ထက် ခေတ်စကားကို ထူးထူးခြားခြားလေးဖြစ်အောင် ကွန့် ပြီး သုံးတတ်သူဖြစ် တယ်။ သူ့တေး စာသားနဲ့လဲတွေ့ရော၊ ခေတ် ဂီတပညာရှင်ကြီးတွေ ခြောက်ပါးမှောက် ကုန် တော့တာပါပဲ။ (အယ်ဒီတာ ခင်ဗျာ။ ။ ငါးပါး မက မှောက်ကုန်တယ်လို့ ဆိုလိုတာ ဖြစ်ပါတယ်) ဒါကို
ဆရာ ရဲ့ "ပျို့မှာတမ်း" သီချင်းလေး ကို ပြန် ဆို ကကြ သံကြားတိုင်း ခံစားမိတယ်။
ပထမ မေဆွိ။ မနေ့ တနေ့ က ရီရီသန့်။ သီဆိုသူတွေ ကိုတော့ အပြစ်မတင်လိုပါဘူး။ သူတို့ကို သင်ကြားပြ
သပေးလိုက်တဲ့ ဆရာသမားများ က ညွှန်ပြသလို သူ့တို့ ခမျာ များ ဆိုကြရတာ ဖြစ်မှာပေါ့။
လုပ်ပုံက "စားစား သွားသွား- နေ နေ၊ မောင့် အပေါ် ဗွေမယူပေါင်ရှင်" တဲ့လေ။ အရေးအမှတ် မှားပြီး ဒီလို
ဖြစ်သွားရသလား၊ လူတတ် လုပ်ပြီး တစ်မင်ပြင်သလား တော့ မသိဘူး။ ကြည့်ရတာ "မောင့် အပူပွေသူ" ဆိုတဲ့ မြန်မာ စကားအသုံးကို ဥာဏ် မမီလိုက်တာနဲ့ ထင်ရာ ကြဲလိုက်ကြပုံ ပါပဲ။
"အပူပွေ" တယ်ဆိုတာ "ဗျာပွေ" တယ် နဲ့ အတူတူပါပဲ။ မိန်းကလေးက မောင့်အတွက် ပူပန်ရတဲ့ အပူတွေ
ပွေနေသူပါ၊ ဗျာပွေရသူပါလို့ ပြောနေတာ ဖြစ်တယ်။ စားလေရာ သွားလေရာ နေလေရာ သူ့မှာ မောင့် အ
တွက် ဗျာပါပွေရတယ်လို့ ဆိုလိုတယ်။ မောင်ဘယ် သွားသွား၊ ဘယ်စားစား၊ ဘယ်မှာနေနေ၊ ဗွေ မယူပါ ဘူးလို့ ဆိုလိုတာ မဟုတ်ဘူး။
တနေ့က ဆရာငြိမ်းရဲ့ "မပြီးသေးသော ပန်းချီကား" သီချင်းကို ဆိုသွားကြတာတွေ ကြားလိုက်ရ ပြန်တယ်။
ဆရာငြိမ်းရေးရင်းက "ချစ်သူဟာလဲ မလှမ်း မကမ်းမှာ ရောက်နှင့်တဲ့ကာမြင်" ရယ်လို့ ဖြစ်တယ်။ဒါကို "ရောက်နှင့်ခဲ့တာမြင်" လို့ လုပ်သွားကြလေရဲ့။



သူ့ခမျာ များ " တဲ့ကာ " မြန်မာစကားအသုံး ကို မကြားဘူး ရှာကြဘဲကိုး။ "သွားတဲ့ကာ၊ လာတဲ့ကာ" ဆိုတဲ့ အသုံး အနှုန်း မြန်မာ စကားမှာ ရှိပါတယ်။ သူ့နေရာနဲ့ သူ့ အဓိပ္ပါယ်နဲ့ သူ ထိမိတဲ့ အသုံးအနှုန်းကလေး ဖြစ်တယ်။ ဒါနဲ့ "ခဲ့တာ" အစားဝင်လို့ မရပါဘူး။
မြန်မာစကားမှာ "လေသွေးတယ်" ဆိုတာ တော်တော် ရိုးပါတယ်။ နှင်းဆီ အဖူး အငုံလေးတွေကို လေသွေး
လိုက်တော့ ဟိုယိမ်း ဒီယိမ်းနဲ့ လုပ်လီ လုပ်လဲ့ ဖြစ်နေတာ ကို ခေတ်ဟောင်း တေးရေးပညာရှင်က "သွေးကာချီ ဖူးပွင့်ငုံဝေစီ" လို့ လှလှ ပပလေး ဖွဲ့နွဲ့ထားပါတယ်။
ဒါကို ခေတ်ပြန်ဆိုသူက "ပွေ့ကာချီ ပွေ့ကာချီ ဖူးပွင့်ငုံ ဝေစီ" လုပ်ပစ်လိုက်တော့ ပျက်ရော။ ရုန့်ရင်းကြမ်း
တမ်းလိုက်တဲ့ ဖြစ်ခြင်း။ မိန်းမပျို ကလေးရဲ့ ကိုယ်လုံး လေးကို ရာဂုမ္မတ္တကြီး တစ်ဦးက ပွေ့ချီသွားတာကို မြင်
လိုက်ရတော့တယ်။
သက်ရှိ ခေတ်ဟောင်း တေးရေးဆရာ တစ်ဦးကတော့ ရုပ်မြင်သံကြားတွေ့ဆုံခန်းမှာ သူ့သီချင်းစာသားကို
မှားဆိုတဲ့ အတွက် ဒုက္ခရောက်ရပုံကို ညည်းတွားရှာ တာကို ကြားလိုက်ရဖူးတယ်။
သူ့ရေးရင်းက "ရှမ်းမလေးတွေ အချောရယ် ပေါတယ်" လို့ရေးတာ၊ ချောမော လှပတဲ့ ရှမ်းမလေးတွေ ပေါများ ပါတယ်ပေါ့။ ဒါကို "ရှမ်းမလေးတွေ ချောတယ် ပေါတယ်" လုပ်ပစ်လိုက်တော့ သွားရော၊ ရှမ်းမလေးတွေဟာ ချောလဲ ချောတယ်၊ ပေါလဲ ပေါတယ်လို့ ဖြစ်သွားလေတော့တာပ။
နိုင်ငံကျော် သင်္ကြန်သီချင်း တစ်ပုဒ်မှာ စာသားက "မြနန္ဒာ ရေညိုညို ရစ်ကာ သန်းတဲ့ ရွှေမန်းတောင်ရိပ်" ရယ် လို့ဖြစ်ပါတယ်။ ကိုအံ့ကြီး သီဆို အသံ သွင်းထားရမှာလည်း အဲဒီအတိုင်းပဲ ကြားနိုင်ပါတယ်။ ဒါကို နောက်ပေါက် အဆိုတော် တစ်ဦးက "မြလေးလေး နန္ဒာ ရေညိုညို ရစ်ကာ သန်းတော့" ရယ်လို့ ဖျက်ဆီးပစ်လိုက်တယ်။ 

"မြနန္ဒာ" ကို "မြလေးလေး နန္ဒာ" လုပ်ပစ်တာက ရှိရင်းစွဲ စာသား နဲ့တင် စည်းဝါးကိုက်အောင် မဆိုနိုင်ရှာလို့ - လို့ နားလည်ရတယ်။ "ရစ်ကာ သန်းတဲ့" ကို "ရစ်ကာ သန်းတော့" လုပ်လိုက်တာကတော့ မြန်မာစကားကို မတတ်တာပါပဲ။

ရှေး အတိတ် တဘောင်က " အသက် ကလေးရယ်တဲ့ ရှည် စေလို၊ မြနန္ဒာရေညိုသန်းတဲ့ (တယ်) မန်းတောင် ရိပ်ခို"ရယ်လို့ ရှိတယ်။ ဒါကို သီချင်းထဲမှာ သုံးထားတာပဲ ဖြစ် တယ်။ "ရေညို သန်းတော့ မန်းတောင်ရိပ်ခို" ဆိုတော့ ဘာအဓိပ္ပါယ်မှ မရှိတော့ဘူး။ "ရေညိုသန်းသော အခါ မန်းတောင်ရိပ်ခို" ဆိုတာ စကား အဆက် အစပ်ကို မရှိတော့ဘူး။
ပါရမီရှင်က ဖွဲ့သီရေးစပ် ထားတဲ့တေးဂီတများဟာ တိုင်းပြည်ရဲ့ အနုပညာ ရတနာများပဲ ဖြစ်တယ်။ နောင်လာနောက်သားများက တစ်ရို တစ်သေ ထိန်းသိမ်းကြရဖို့ တာ ၀န်ရှိတယ်။ ကိုယ် စာပေ ဗဟုသုတ ခေါင်းပါးတိုင်းလျှောက်ပြီး ဖျက်ဆီးပစ်နေဖို့ မကောင်းဘူး။ 

အနုပညာသမားရယ်လို့ လုပ်ချင် မှတော့ လေ့လာ ရမှာပေါ့။ စည်းဝါး တတ်ကျွမ်းအောင် လေ့ကျင့် ရသလို တေးထဲမှာ သုံးထားတဲ့ ဘာသာစကား ကိုလဲ နှိုက်နှိုက် ချွတ်ချွတ် လေ့လာအပ်တယ်။ ခေတ်ဟောင်း အဆိုတော်ကြီး ဒေါ်မေရှင် က တွေ့ဆုံခန်း တစ်ခုမှာ " သီချင်း စာသား တွေကိုတော့ ဖျက် မပစ်ကြပါနဲ့ လို့ တောင်း ပန်ချင်တယ်ကွယ်" လို့ ပြောတာကို မှတ်သားလိုက်ဖူးတယ်။ ဒါ တာဝန်သိ အနုပညာသည် တစ်ဦးရဲ့ ရင်ဖွင့်သံပါပဲ။
သီချင်းဆိုတယ် ဆိုရာမှာ စကားသံ ပီဖို့လည်း အရေး ကြီးတယ်။ ကနေ့ခေတ် လူငယ်များ မပီကလာ ဆို
ကြတာကို ပြောကြရေးကြ လှပါပြီ။ သီချင်းကလေး မဟုတ်၊ သီချင်းကြီး ဆိုရာမှာ စကားမပီတဲ့ အတွက်
စိတ်ပျက် မိကြောင်း ကျွန်တော်လည်း ရေးဖူးပြီ။
"လျှပ်ပန်းခွေနွဲ့" ကို သီဆိုသွားသူ တစ်ဦးက "ဘ၀ဂ် စောင်းအောင်" ကို "ဘ၀ဂ်ဆောင်းအောင်" လို့ ဆို
သွားတဲ့ အကြောင်းပါ။ "စ" သံ နဲ့ "ဆ" သံကို မပီဘဲ ပြောကြ ဆိုကြတာ ရန်ကုန် မှာ ခေတ်စားနေပေမယ့်
သီချင်း ဆိုရာမှာ ပရိသတ်ရှေ့မှာတော့ ပီအောင် ကြိုး စားဖို့ ကောင်းတယ်။ 

ရုပ်မြင်သံကြား ကြော်ငြာတခုမှာ "ဝေဒနာ" ကို "ဝေသနာ" လို့ ပြောသွားတာ။
"စောင်းတန်း" ကို "ဇောင်းတန်း" လို့ ဖတ်သွားတာ ကို (အမှန်က "စောင်းဒန်း") လဲ ကြားလိုက်ရသေး။

ကြော်ငြာတစ်ခုမှာတော့ ရေးပေးသူက ကာရန် ယူပြီး ရေးပေးလိုက်ပုံ ရပါတယ်။ ဖတ်တဲ့သူက မဖတ်တတ်
တော့ ကိုးရိုးကားရား ဖြစ်သွားရော။ "မြန်မာပြည် တစ်ဝန်း နာမည်ဆန်း" တဲ့။ (ဖြစ်သင့်တာက "မြန်မာ
ပြည် တ၀န်း နံမည်ဆန်း")။ စာအတိုင်း ဖတ်နေစရာ မလိုပါဘူး။ "ရေးတာက အမှန် ဖတ်တာက အသံ"
ဆိုထားတာပဲ။ "နံမည်" လို့ဖတ်မှ "မြန်မာပြည်" နဲ့ ကာရန် ညီမှာပေါ့။
အပျင်းပြေ နားထောင်ကြည့်မိရင်း ပြုံးမိတဲ့ ကြော်ငြာ တစ်ခုကတော့ "လိပ်ခေါင်းရောဂါ ရှိလိုက်တာ" တဲ့။
ဘယ်မြန်မာလူမျိုးကမှ အဲဒီလို မအော်ဘူး။ "အမလေး မြန်မာစကား မပြောတတ်လိုက်တာ၊ ကယ်ပါဦး" လို့
ပဲ ပြန်အော်ဖို့ ကောင်းတယ်။
"ကျင်းပလိမ့်မှာဖြစ်ကြောင်း"၊ "သွားရောက်လိမ့်မှာ ဖြစ်ကြောင်း" တဲ့။ မြန်မာစကားမှာ "လိမ့်" နဲ့ "မှာ"
တွဲသုံးတာ ရှိကို မရှိဘူး။ ဒီလူတွေ ဒီအသုံးအနှုန်း ကို ဘယ်ကများ ကောက်ရထားပါလိမ့် လို့သာ အံ့
သြမိ ရတော့တယ်။
ကြားသိရသမျှ မြန်မာစာ မြန်မာ စကား ဆင်းရဲကြ ပုံတွေထဲက သိသာရုံ အကျဉ်းမျှ တင်ပြလိုက်ရတာ
ဖြစ်ပါကြောင်း။


မောင်သာနိုး။
[မြင့်မြတ်သူ စာအုပ်တိုက်က ထုတ်ဝေတဲ့ မောင်သာနိုး ရဲ့ မြန်မာစကားနဲ့ စာပေ စာအုပ်၊ ၂၀၀၁ ခုနှစ်၊ မေလ၊ ပထမအကြိမ် ပုံနှိပ်ခြင်းမှ ကူးယူဖော်ပြပါတယ်။]
လမင်းတစ်ရာ စာပေ ဆက်ဆံရေးကနေ ကူးယူဖေါ်ပြတယ်။
ရေးသူ- မောင်သာနိုး

No comments:

Post a Comment